Aasiaat: Nannut pingasut politiit qimaatinniarsaraat
Aasianni politiit nannut pingasut illoqarfimmit qimaatinniarsaraat. Innuttaasut sikumiinnginnissamut kaammattorneqarput, politiit sulinerannut ajoqusiisinnaammata.
Annonse
Marlunngornermi ullaakkut nalunaaqutaq 06:55 politiit sillimasoqarfiat naunaarfigineqarpoq, Aasianni mittarfiup tunisassiorfiullu eqqaani nannut pingasut takuneqarsimasut.
- Aasianni politiit tassaniipput, nannullu illoqarfimmit qimaatinniarsaraat, Sermersooq Politiini politeeq Malik Olesen oqarpoq, nangillunilu:
- Tamatuma peqatigisaanik Aasianni innuttaasut sikumi angallatinnginnissaannik qinnuigaagut, politiit sulinerannik ajoqusersuisinnaanerat pillugu, aammalu politiit innersuussutaat innuttaasut malissagaat.