USA
Professorip Donald Trump atomimut toortagaqannginnerarpaa
Donald Trumpip atominik qaartartunik igeriuttakkanik toortagaqarnerarluni oqarataarpoq. Kisianni piviusumik atomimik atuinissamut mappimik qernertumik ilitsersuutinik ulikkaartumik peqarpoq.
Amerikamiut præsidentiata, Donald Trumpip, USA-p atomimik sakkussiaanik aallartitsisinnaasumik toortagaqarluni oqarataarutigaa, kisianni taamaanngilaq.
Amerikamiup inuiaqatigiilerinermi professorip Dr. Peter Feaverip siorna Kongressimut amerikamiut tusagassiorfiat CNN naapertorlugu oqaluttuarsimavoq.
- Præsident nammineerluni toorsilluni rakettimik aallartitsisinnaanngilaq. Taamaallaat akuersissuteqarluni peqqussuteqarsinnaavoq, taanna allat malillugu rakettimik aallartitsisinnaapput, taanna oqarpoq.
Trumpi allaffimmini toortagaqanngitsoq, taanna Kongressimut naqissusiivoq.
- Systemi præsidentip allaffimmini rakketinik aallartitsigasuarnissaanut toortagaanngilaq, inuiaqatigiit ilaasa tamanna ernumassutigisarpaat.
Marlunngormat amerikamiut præsidentiat inuit attaveqaqatigiittarfianni Twitterimi Korea Avannarlermi aqutsisumut atomimik aallartitsinissamut toortagaqarnini oqarataarutigaa.