Tunisassiorfik suliffeqarfiiit kaaviaartitaqarnerpaat akornanniittoq

Nunatsinni aalisakkanik tunitsiviit marluk, Royal Greeland Polar Seafoodilu ingerlalluarput.

Suliffeqarfiit aalisarnermik aallussallit kaaviiaartitaqarnerpaat qulit allattorsimaffiat naapertorlugu Polar Seafood Danmark 2016-imi 3,109 milliard koruuninik isertitaqarluni kaaviiaartitaqarnerpaani tulliuvoq, suliffeqarfiillu inuussutissalerinermik aallussallit ingerlalluarnerpaat 100-t allattorsimaffiat tunngavigalugu Danmarkimi suliffeqarfiit kaaviiaartitaqarnerpaat allattorsimaffiat naapertorlugu Royal Greenland kaaviiaartitaqarnerpaat qulingiluaraat.

Levnedsmiddel Bladet tassa Dansk Aktieanalyse suleqatigalugu ukiumoortumik naatsorsuutit imaluunniit naatsorsuutit pillugit nalunaarutit 2017-imi aggustip aallaqqaataani tamanut saqqummiunneqartut tunngavigalugit misissueqqissaarisoq, allappoq.

Kitsitsisit misissueqqissaarinermi najoqqutarineqartut Erhvervs - og Selskabsstyrelsenimit pissarsiarineqarput aamma suliffeqarfissuup kisitsisaatai najoqqutaralugit naatsorsorneqarput.

- Ukiumi kingullermi qaammatini aqqaneq-marlunni angusat qaammatinilu 15-ini angusat sanilliunneqarmata Royal Greenlandip kaaviiaartitai 14 procentinik siuariaateqarput, tamatumani naatsorsuutit kingulliit saqqummiunneqartut qaammatit 15-it tunngavigalugit suliarineqarmata. Taamatuttaaq ingerlatseqatigiiffiup pingaarnernik ingerlatsinermini isertitai 337 million koruuniummata ingerlatseqatigiiffik aatsaat taama isertitaqartigaaq, Royal Greenland naapertorlugu, Levnedsmiddel Bladet taama allappoq.