Friday, November 3, 2017 - 09:46

Sisimiuni umiarsualivimmik ingerlatsivik pisariaqartinneqarpoq

Assi.: Sorlannguaq Petersen
Qeqqata Kommunia umiarsualivimmik nammineq aningaasaliiffigisaminnik 2013 atulersitsisut, inuussutissarsiutinik ingerlataqartut suleqatigalugit umiarsualivimmik suli eqar mmik pilersitsinialersaarput (soorlu SIKUKI HARBOURitut i umik). Naalakkersuisulli suliniummut akuersiniaamaataarput

Sisimiuni umiarsualivimmik siunnersu­isoqatigiit, Qeqqata Kommunianit, inuussutissarsiortunit aamma peqatigiiffin­nit umiarsualivimmik ulluinnarni atuisunit sinniisoqartoq 2015imi aalajangerput umiarsualivimmik suliffeqarfimmik piler­sitsissallutik, umiarsualivimmi torersunik atugaqalerumallutik aammali umiarsuali­vimmik ingerlatsinermik aningaasarsiute­qarlerusullutik. 

Kommunimit Namminersorlutik Oqar­ tussanilu ator littat umiarsualivimmik suliffeqar mmik pilersitsiumaneq pillugu 2011imiilli oqaloqatigisarlugit aallartereer­ pai, kisianni Naalakkersuisut Suliniummnut manna tikillugu akuersi­ sinnaasimanngillat. Qeqqata Kommuniani borgmesteri Malik Berthelsen isumaqarpoq Namminersorlutik Oqartussanit Nuup avataani suliniutit tuaviuunneqarnissaat pingaartinngikkaat 

Akineqartariaqarpugut

– Kissaatigaarput suliniutip aalajangerne­qarnissaa, tuaviuunneqartariaqalerpoq. Nuummi Sikuki Harbouri pilersinneqarsin­naappat, taava aamma uagut maani umiar­sualivimmik suliffeqarfimmik pilersitsisinnaavugut, tassami umiarsualiviit pillugit inatsit taamatut periarfissiivoq, borgmesteri Malik Berthelsen oqarpoq Naalakkersuisul­lu Nuup avataani ineriartortitsinissamut piumassuseqannginnerarlugit. 

– Allanngulaq Nuup avataani suliniutit Namminersorlutik Oqartussanit tuaviuun­neqarnissaat pingaartinneqanngitsoq, borg­mesteri oqarpoq. 

Ullumikkummi pissutsit torinngillat umi­arsualivimmilu piginnittut assigiinngitsut ingerlatsinerminni aningaasarsiuteqan­ngillat. Piginnittullu umiarsualivimmik tamakkiisumik ingerlatsinermut ataqatigiis­saakkamik aningaasaliisanngillat, sissamilu ingerlatanut killilimmik nakkutilliisarput.

Tamaanilu unioqqutitsisumik inissiisarnerit, umiatsiaaqqat angallatillu umiarsualivimmi talittarfinnilu pigineqanngitsut takussutissiipput assigiinngitsunik piginnittoqarluni aaqqissuusineq torinngitsuusoq. 

Suliaq pillugu Sermitsiaq aviisimi allaaserisaq tamakkerlugu atuaruk. Aviisi uani pisiariuk:

Seneste nyheder / Nutaarsiassat kingulliit