pillaatissiissut
D: Pinngitsaaliinernut ukiuni 50-ini inissiisarfimmiittussanngortitsineq
Meeqqanut – arnanullu – pinerlunnerit ajornartorsiutaasorujussuupput. Maanna Inatsisartuni amerlanerussuteqartut nalunaarput, pinerluuteqartut sakkortunerujussuarmik pineqaatissinneqartalissasut.
Inatsisartuni amerlanerussuteqarluartut akornanni meeqqanik naalliutitsisut pinngitsaaliinermillu pinerluuteqartut pinerluutigisaminnik oqippallaamik aniguisarnerat isumaqatigiissutigineqalerpoq.
Demokraatit Siumullu, ataatsimut katillugit 17-inik ilaasortaatitaqartut, pineqaatissiisarnermut sinaakkutit isumaliutigineqarnissaannik annertuumillu qaffanneqarnissaannik kaammattuuteqarput.
- Isumaqarpugut ullumikkut pineqaatissiisarnerit sakkukippallaarujussuartut. Aamma partiit sukaterinissamik kissaateqartut 110 procentimik tapersersorusuppavut. Pinerluttulerinermut tunngasut naalagaaffimmit sulii tigusimanngikkaluarpugut, kisiannili iliuuseqartoqarnissaanik piumasaqarluta; ajornanngippallu iliuuseqartoqapallannissaanik, Demokraatineersoq Nivi Olsen oqarpoq.
Taanna erseqqissaallun oqarpoq, kinguaassiuutitigut pinerluttunit eqqugaasut pinerluffigineqarnermik kingunipiluinik ukiorpassuarni erloqissuteqarlutik inuusariaqartartut.
- Takorlooraanni meeqqanut kinguaassiuutitigut pinerlunnerit ukiuni 50-ini 60-iniluunniit inissiisarfimmiittussanngortitaanermik pillaatiginnissutigineqartut, taava? Tamatumunnga partiit allat isumaat tusarusuppavut. Demokraatit taama pisoqarnissaanik ornigisaqarnerupput, Nivi Olsen oqarpoq.
Pillaatissiissutip sukateriffiginiarneqarneranut pilersaarutit AG-mi paasisaqarfiginerukkit: