nannut

Kujataani nunakkut pisunnissaq inassutigineqanngilaq

Kujataani, minnerunngitsumik Ipiuttap Sillisillu eqqaanni nannumik takusoqarsimammat, kujataata politeqarfiata qullersaqarfiata Qaqortumiittup Kujataani nunakkut pisulluni angalanissaq inassutiginngilluinnarpaa

Ukiup taamaasinerani Kujataani nunakkut pissuttuarnissaq isumassarsialatsiaanavianngilaq.

Piffissami kingullermi nanoq ataasiinnaanngitsoq siumorneqartarsimavoq, nunamilu pisuttuarnissaq Qaqortumi politiit inassutiginngilaat.

Ipiuttap Sillisillu eqqaanni nanumik takunnittoqarsimasoq, Namminersorlutik Oqartussat paasissutissiipput.

- Politiit imaani nunamilu angalasunut aamma mianersoqqusipput nanoq ataasiinnaanngitsoq piffissami kingullermi siumorneqartarsimammat, Namminersorlutik Oqartussat allapput.

Anginerusutut pissusilersorit

Sumiiffinni nannunik akuttunngitsumik takunniffiusartuni atortut nannunik qimaatitsissutigineqarsinnaasut nassarneqartariaqarput nannullu alapernaatsut qanoq qimaatissanerlugit ilinniarneqartariaqarluni.

- Immikkut ilitsersuut naapertorlugu nannumik siumuisoqarpat nipituumik suartartoqassaaq, nipiliortoqarluni anginerusutullu isikkoqarumalluni tallit aalatinneqassallutik, Namminersorlutik Oqartussat oqarput.

Takornariaqartitsiviit ingammik Kujataani ilanngullugit qinnuigineqarput takornarissanut paasissutisseeqqullugit nannumik naapitsinissamut aarlerinartoqartoq.

Powered by Labrador CMS