Aallarnisaaneq
Kalaaleq nersornaaserneqarsimaspq nunanit tamalaaneersunit innersuunneqartut
Nassaartortoq Poul Jørgen Holm Attavimmeersoq, Glotel Awardsimi immikkoortumi 'Connecting the Unconnected'-imut (attaveqanngitsut attavinitsinnerat) innersuunneqarpoq.
Suliffeqarfissuit mobiililiortartut Huawei, Samsung aamma Nokia, Glotel Awards 2017-imi innersuunneqartut ilagaat, novembarip aappaanni Londonimi nersornaasiisoqassaaq.
Innersuunneqartut ilagaat Poul Jørgen Holm, Attavik. Taanna immikkoortumi 'Connecting the Unconnected'-imi innersuunneqarpoq.
Aamma atuaruk: Nalunaarasuartaatitigut aallarnisaasunut nersornaat
- Inerikkiartortitassagut piareerpagut, taakkunannga sim-kortimik atuinani imaluunniit sakkortusaaviit atornagit sianertoqarsinnaavoq. Taanna mobilini appitut atussaaq, inoqannginnersanilu attaveqanngitsuni imaluunniit ajunaarnersuarni mobilit attaveerunneranni atorneqarsinnaalluni, Poul Jørgen Holm, Sermitsiaq.AG-mut taama oqarpoq.
Sapaatip-akunnerata tulliani taanna Danmarkiliassaaq, inerisagassaq DTU-mut takutikkiartorlugu.
Poul Jørgen Holm siorna Asia Telecom Excellence Awardsimi, Singaporemi pisumi, pingasunik nersornaaserneqarpoq.