Friday, August 4, 2017 - 15:27

Tamaani susoqarami

Assi.: Gitte Thomsen
Nuummi biilertartup ippassaq biilersimanini puiorallarunnanngilaa, tassani biili – Qinngorput aqqutaani – tassanngaannaq sannerluni uppissimalluni

Ajutoornermi biilit sannersillugit uppisinneqarsimangaluartut kingunerisaanillu aqqusinermik matusilluni, biilertartoq ajoqusersimanngilaq.

Naliginnaasuunngitsumik ajutoornermut "atortutigut ajutoorneq" patsisaasoq, politiit Sermitsiaq.AG-mut paasissutissiipput.

- Biilertartoq ingerlaarnerata nalaani atortutigut ajutooriasaarsimavoq, biilertartulli biili aqussinnaajunnaarsimavaa, sannerlunilu uppissimalluni, Nuummi politiivini sillimasoq paasissutissiivoq.

Kisimiilluni ajutoortutut politiit nalilerpaat, iluatitsinikkulli inuit ajoquserfigisimanngilaat, suliarlu politiit tungaanniit ingerlateqqinneqarnissaa tunngavissaqarani.

Lastbiili piffimmut biili peeriartupallassimavaa, kingornalu aqqusineq biilertartunit allanit angallavigineqaqqissinnaalerluni.

Seneste nyheder / Nutaarsiassat kingulliit