umiarsualivinnik iluarsaassinerit
Umiarsualiviit iluarsaanneqarnissaat kinguartinneqarpoq
2016-mi Qeqertarsuup Tunuani umiarsualivinnut iluarsaassinissamik neqerooruteqarsimanngimmat Nunatsinni immikkoortoqarfiit marluk umiarsualiviisa iluarsaanneqarnissaat ukiumik ataatsimik kinguartinneqarallarput.
Paragraf 37 naapertorlugu siumukkormiunut marlunut tassa Nikolaj Jeremiassenimut aamma Jess Svanemut, Qeqertarsuup Tunuani umiarsualivinnik iluarsaassinerit massakkut aallartinneqartut, Attaveqatigiinnermut Naalakkersuisoq, Erik Jensen paasissutissiivoq.
Ukiumik ataatsimiik kinguaattoornerit.
Kinguaattoornerillu ima malitseqarput, Uummannami umiarsualivinnik iluarsaassineq aatsaat 2018-mi aallartinneqartussanngorluni.
- lIuarsaassinermut pilersaarutaaqqaartoq malillugu Qeqertarsuup Tunua 2016-imi aallartinneqartussaagaluarpoq, aammalu Avannaa 2017-imi aallartinneqartussaagaluarluni. . 2016-imi Qeqertarsuup Tunuani entreprenørinik suliassanut neqerooruteqartoqanngimmat, Qeqertarsuup Tunuanut Avannaanullu iluarsaassinissamut pilersaarutit ukiumik atatsimik kinguartinneqarput. Qeqertarsuup Tunuani iluarsaassinissat 2017-imi aallartinneqarput aammalu Avannaani
iluarsaassinerit 2018-imi aallartinnissaat naatsorsuutigineqarpoq, Erik Jensen Inatsisartuni ilaasortaqatini akissuteqarfigai.
Nunap immikkoortuini marluusuni iluarsaassinerit Aningaasanut Inatsimmi aningaasaqarnermut sinaakkusiussat iluanni ataatsikkut ingerlanneqarsinnaanngillat, Erik Jensen ilassuteqarpoq.