Monday, September 14, 2015 - 13:40

Tikaagullittassat nuunneqarput

Tikaagullittassat nuunneqarput
Assi.: Leiff Josefsen
Aalisarnermut piniarnermullu Naalakkersuisup tikaagullittassat 19-it ataatsimut pisassanngortippai

Aalisarnermut, piniarnermut nunalerinermullu Naalakkersuisup Karl-Kristian Krusep (S), KNAPK aamma KANUKOKA isumasioqatigereerlugit qamutilimmik tikaagullittassat ataatsimut pisassanngortippai. Tassa imaappoq, angallatit qamutilillit tikaagullittassaat maanna 80-inik amerlassuseqalerput.

Taamatut tusagassiorfinnut nalunaarutikkut paasissutissiivoq Aalisarnermut Piniarnermulllu Naalakkersuisoqarfik.

Nutaamik agguaassineq

Agguaassineq nutaaq septembarip 17-iannit 2015 atuutilissaaq.

Ulloq agguaassiffissaq sioqqullugu ataatsimoorluni piniarnerit tamarmik inerteqqutaapput. Piniarnerlu aatsaat aallartinneqarsinnaavoq kommunalbestyrelsip sumiiffimmi aalisartut piniartullu peqatigiiffiat tusarniaavigereerlugu nutaamik agguaassereerpat tamannalu tamanut saqqummiutereerpagu.

Pisassanik nuussineq

Septembarip 8-anni Kitaani tikaagulliit 39-it ataatsimoorluni pisarineqarsimapput, tikaagulliillu 31-it qamutilissortunit pisarineqarsimallutik. Taamaasilluni pisassat 29-nik sinneqarput, pisassallu tamarmiusut nuussinerup kingorna 80-inngorput. Tunumi tikaagulliit marluk pisarineqarsimapput, pisassiissutillu sinneri 13-inngorput.

Nuussinerup kingorna Kitaani kommunit ima amerlatigisunik tikaagullittassinneqarput:

Qaasuitsup Kommunia 10
Qeqqata Kommunia 4
Kommuneqarfik Sermersooq 1
Kommune Kujalleq 4
Katillugit 19

Qipoqqaat eqqarsaatigalugit kommunit sisamat tamarmik pisassat agguaanneqarnerat akuersissutillu maanna atuuttut atuinnassa aat.

 

Seneste nyheder / Nutaarsiassat kingulliit