- Ulloq unnuarlu paaqqinnittarfik amigaataasimavoq
- Ukiut sisamat sinnerlugit matuma siornatigut eqqarsaatigilersimavarput meeqqanut 10 aamma 16 akornanni ukiulinnut Nuummi ulloq unnuarlu paaqqinnittarfimmik amigaateqartoqarpoq, ´Qaamasoq´-mi forstanderi Terkil Larsen oqaluttuarpoq
Terkil Larsenip, Gert Ole Larsenip Iisaavaraq Petrussenillu siorna ulloq unnuarlu paaqqinnittarfik ´Qaamasoq´ Nuummi ammarpaat, maannalu meeqqat inissinneqarsimasut arfineq-pingasut tassani najugaqarput, inuillu 14-it sulisorineqarlutik.
- Sinnattutta piviusunngortinnissaanut ukiuni pingasuni tamaviaarluta sorsuutiginnissimavugut. Tamanna sioqqullugu Business Council, namminersorlutik oqartussat aningaaserivillu oqaloqatigaavut. Pappialarsornerujussuarmik sulereerluta isumassarsiarput piviusunngortipparput, Qaamasumi forstanderi Terkil Larsen oqaluttuarpoq.
- Nuliatsinnit tapersersorneqarsimanngikkaluarutta sinnattorput piviusunngorsimassanngikkaluarpoq. Ilaqutaasunillu allanit aammalu ikinngutinit. Tassami pilersaarusiornerinnaq aningaasallu kisimik apeqqutaanngillat, aammattaarli inuttut nukissat, ilisimasat piginnaasaqarnerlu pisariaqarlutik, Terkil Larsen, isumaginninnikkut aallarnisaasoq oqarpoq.
Isumaginninnikkut aallarnisaasut tassaapput inuit inuiaqatigiinni inuit eqqortumik pineqarnissaannik ujartuisut. Anguniagaraat meeqqat, inuusuttut inersimasullu pitsaanerusumik atugaqalernissaat.
Oqaluttuaq tamaat atuaruk, Nuummilu sunik angisuunik mikisunillu pisoqarnersoq takullugu. Nuuk Ugeaviisi akeqanngitsumik aasinnaavaty uani: