Uuliakoornissamut isumaqatigiissut Greenpeacep uggoraa
- Danmarkimiit nunanillu issittumiittuni allanit anguniakkat taama appasitsiginerat pakatsinarpoq, Greenpeace isumaqarpoq uuliakoornissamik isumaqatigiissut aaqqiagiinngissutaaqisoq akuersissutigineqareersorlu
Issittumi Siunnersuisoqatigiinni nunat arfineq pingasut ilaasortaasut pingasunngormat ataatsimiinnerminni Issittumi uuliakoornissamik ataqatigiissaakkamik upalungaarsimanissamik isumaqatigiissut atsiorpaat, nunanulli allanut ministerip Villy Søvndalip SF-imeersup suleqataasalu suliffissuit soqutigisaat Issittumi inuttaasuniit avatangiisiniillu soqutigineruaat.
Taama isumaqarpoq Greenpeace Nordenimi issittumut akisussaasoq Jon Burgwald, Villy Søvndalili isumaqarluni isumaqatigiissummi nutaami Issittumi uuliakkornissami suleqatigiinneq nukittorsarneqartoq.
- Isumaqatigiissut ajoraluartumik atorsinnaanngilluinnarpoq, piviusumimmi pisussaaffiliinngilluinnarpoq. Uuliakoorsinnaaneq millisarneqarniaranilu nunat uuliakkornissamut qisuarniarnissaat pitsanngorsarneqanngilaq. Aamma pituttuisunik minnerpaaffissaliinngilaq qulakkeerniarlugu annertuumik uuliakoornermi iliuuseqarnissami naammattumik piginnaasaqartoqarnissaa, Jon Burgwald oqarpoq.
- Danmarkimiit nunanillu issittumiittuni allanit anguniakkat taama appasitsiginerat pakatsinarpoq, upalungaarsimanissamut tigussaasumik ataasinnguarmilluunniit piumasaqaatitaqarani. Nunallu nammineq piumasartik malillugu ikiuuttussaammata ima pituttuinngitsigisumik isumaqatigiittoqarpoq, nunarsuarmi avatangiisini mianarnerpaani pinngortitap illorsornissaanut alloriartoqarani, Jon Burgwald tusagassiuutitigut nalunaarummi allappoq.
Læs "Greenpeace: Stem nej til olieaftalen, Villy"
Læs her alle Sermitsiaq.AG’s artikler om Grønlands boykot af ministermødet i Arktisk Råd
Greenpeace innersuussivoq
- Uani isumaqatigiissummi Issittumi Siunnersuisoqatigiit ataasinnguamilluunniit piumasaqaateqangillat upalunaarsimanerup qanoq annertutiginissaanik annertuumik uuliakoortoqarnissaanik suliaqarsinnaasumik. Isumaqatigiissut Villy Søvndalip akuersaaginnagaa uuliasiorfissuarnit allataasimasutut iinnarpoq, uagullu isitsinnit tamanna Danmarkimi SF-illu nammineq perruualaarutigisaminik avatangiisinik illersuisuunermut naleqqutinngilluiannarpoq, Greenpeacemi Danmarkimi issittumi paasisitsiniaaneranni suliniummi pisortaq Niels Fuglsang oqarpoq.
Canada maannakkut siulittaasuulissaaq ’uuliamik mingutsitsinermik akiuiniarluni suliaq nangissallugu’.
Greenpeacep innersuussutigaa Issittumi uuliamik gassimillu qalluinermi piumasaqaatit minnerpaaffissalernissaat pituttuisussanik Issittumilu imaani uuliamik qillerinissaq inerteqqutaalluinnalerluni.