Meeqqat kuppilersinnermik kingorna sinikkusuinnalersut
Nal. 14.20 nutartigaq: Qitornatit H1N1-imik kuppilersissimappat? Maanna paasineqarpoq kuppilersissut qaratsakkut nappaateqalersitsisinnaasoq
2009-mi Danmarkimi innuttaasut ilaannamininngui svineinfluenza-mut kuppilersittut, nunani avannarlerni nunat allat nappaammik akiuiniarnerminni sakkortunerusumik iliuuseqarput.
Tamatuma kingorna Sverigemi Finlandimilu meeqqat untritilikkaat narkolepsi-mik nappaateqalersimapput, qularnanngilarlu aamma qallunaat meerartaasa ilaat nualluummut influenza A-mut (H1N1-imut) - svineinfluenza-tut ilisimaneqarnerusumut - kuppilersinnermik kingorna qaratsamikkut nappaateqalersimassasut.
Taamaasilluni Sundhedsstyrelsi marsimi apriilimilu marloriarlutik nalunaarfigineqartarsimapput kuppilersissummik Pandemrix-imik kuppilersinnerup kingorna saniatigut sunniutaasunik narkolepsi-lersitsisinnaasunik naammattuuisoqarsimasoq. Narkolepsi nappaataavoq qaqutigoortoq, tassanngaaannaq sinikkusulersitsisartoq. Danmarkimi inuit 33-t svineinfluenza-mik toqquteqarsimapput.
2009-mi influenza A-mut kuppilersuutit 4.000-t Nunatsinnut nassiunneqarput.