Skov Nielsen: Ammasuuvunga
Naalakkersuisoqarfiup pisortaanera Jørn Skov Nielsen matoqqanerarlugu isornartorsiorneqarnermi kingorna: - Siunissami paasissutissanik suliamut tunngasunik apersorneqarnissannut ammavunga
- Inuussutissarsiornermut, Aatsitassaqarnermut Suliffeqarnermullu Naalakkersuisoqarfimmi atorfilittatut tusagassiivinnut suliniaqatigiiffinnullu sassartarumavunga, apeqqutigineqartut suliamut tunngassuteqartillugit. Taamaaliortareerpunga aamma siunissamik taamannak ingerlatsinissara siunertaraara.
Taama oqarpoq Inuussutissarsiornermut, Aatsitassaqarnermut Suliffeqarnermullu Naalakkersuisoqarfimmi pisortaaneq Jørn Skov Nielsen Sermitsiaq.AG-mut.
Tamannak oqarpoq Ekstra Bladetimi allaaserisami aviisimit ”Åbenhed efterlyses” qulequtserneqarsimasumi naalakkersuisoqarfiup pisortaanerata kusanarpallaanngitsumik allaaserineqarnerata kingorna, tassani aatsitassanut tunngassuteqartunik aalajangiisoqartillugu pissaanilissuartut eqqartorneqarpoq.
- Erseqqissaatigerusuppara naalakkersuisoqarfimmi Naalakkersuisullu ajornanni suliassanik agguataarinermi imaammat, naalakkersuisoqarfimmit tusagassiivinnut taamaallaat oqaaseqartoqartarmat paasissutissanik tunngavilinnik suliamut tunngasunik pisoqartillugu - aamma Naalakkersuisunut ilaasortap politikkimut tunngasoq suliassaraa, Jørn Skov Nielsen, oqaluttuarpoq Ekstra Bladep aviisimit apersorneqarumannginneranik allaaserisaqarnerata kingorna.
Paasissutissat nittartakkamiipput
- Ekstra Bladep Inuussutissarsiornermut, Aatsitassaqarnermut Suliffeqarnermullu Naalakkersuisoqarfimmut saaffiginninnerani taamannarpiaq pisoqarsimavoq. Tassunga atatillugu Aatsitassanut aqutsisoqarfimmit apeqqutit suliamut tunngassuteqartut akineqartussaapput. Aamma Inuussutissarsiornermut Aatsitassanullu Naalakkersuisoq Jens Erik Kirkegaard, Siumut, apeqqutinik politikkimut tunngasunik akinissaminik isumaginnippoq, Ekstra Bladep tassunga apeqqutigisaanik, Jørn Skov Nielsen nassuiaavoq erseqqissaatigalugu avisip apeqqutigisaasa akissutissartaat Aatsitassanut Aqutsisoqarfiup nittartagaanniimmata.
Jørn Skov Nielsen naapertorlugu ukiuni kingullerni aatsitassat pillugit paasissutissat amerlasoorujussuit nittartakkamut ivertiterneqarsimapput, aatsitassat pillugit paasissutissiineq annerpaaq tunniukkumallugu.
Berlingske siornatigut Jørn Skov Nielsen taavaa 'Grønlands oliezar' aamma 'skyggeråstofministeren' (aatsitassanut ministerip tarraa).