Kalaallit Nunaanni biilit amerleriarujussuartut
Biilit inuinnarnit pigineqartut ukiut 50-it ingerlaneranni quleriaammik amerlipput biilit usisinnaasut marloriaammik amerlanerulersut
Annonse
Tupinnarpallaanngilaq isumaqaruit ukiuni kingullerni biilerpassuit nunatsinni aqqusinerni angalaartuartut.
Kalaallit Nunaanni Kisitseqqissaartarfimmit kisitsisit nutaat ersersippaat, ukiut 50-it ingerlaneranni nunatsinni inuinnaat biilii quleriaammik amerlisimapput, biilit angallassinermut atortartut 1966-ip kingorna marloriaammik amerlisimallutik.
Ukioq manna januaarip aallaqqaataata kingorna inuinnaat biilii 3.931-it allattugataapput, biilit angallassissutit usisaatillillu ukiup aallartinnerani 1.358-iullutik.
Kalaallit Nunaanni Kisitseqqissaartarfimmit ilisimatitsissutigineqarpoq ukiup nikinnerani biilit motorillit 5.857-iusut, ukiup siulianit 1,2 procentinik amerlanerullutik.