Nuuk FM akiitsoqarami nipaaruppoq
Nuuk FM matoqqagallarpoq. Suli nalunarpoq qaqugu ammaqqikkumaarnersoq
Nuuk FM, Sisimiut Tusaataannit pigineqartoq, maannakkut aallakaatitsiunnaaqqavoq. Nuuk FM tallimanngormalli nipaaruppoq sulisullu angerlarallartinneqarsimapput.- Akiitsoqarneq pissutigalugu Nuuk FM matoqqagallarpoq. Maannakkuugallartoq itinerusumik nassuiaasinnaanngilanga, Sisimiut Tusaataanni pisortaq Jens Claus Lennert Sermitsiaq.AG-mut oqarpoq.
Atuaruk: Akiitsoqarneq mamiagineqarpoq
Aatsaat Sisimiut Tusaataat aamma Nuuk FM aningaasatigut ajornartorsiulinngillat. 2009-mi Sisimiut Tusaataat 11 millioner koruuninik akiitsoqarpoq aammalu pisortanut akiitsoqarnikuulluni.
- Akiliisinnaajunnaanngilagut. Aaqqiissutissamik nassaarniarluta maanna sulivugut neriuppugullu ullup ingerlanerani aallakaatitseqqilersinnaalluta, Jens Claus Lennert oqarpoq.