Qujanamut qujanaq
Aasianni qatserisartoq Qujana Fleischer Dronningip nersornaatitut saqqarmiuliuttagaanik sølvimik tunineqarpoq
Annonce
Qujana Fleischer apriilip aallaqqataani qatserisartutut ukiunik 25-nngortorsiorpoq. Tamatumali malunnartinniarnera aatsaat arfininngorneq maajip sisamaat pivoq ullorlu taanna Qujana Fleischer Dronningip nersornaatitut saqqarmiuliuttagaanik sølvimik saqqarmiulerneqarpoq.
Saqqarmiortaava Qaasuitsup Kommunia kommunalbestyrelsemit Enok Sandgreenimit Siumumeersumit tunniunneqarpoq.
Ukiut 25-it matuma siorna Qujana Fleischer qatserisartuinnartut aallartippoq. Taava 1995-mi qatserisartoqarfimmi atortunik nakkutilliisutut atorfinitsineqarpoq. Aammattaaq aqutsisunut ilaalluni beredskabsmesteritut suli atuuppoq.