Ajugaasorlu tassaavoq...

Filmiliortartunut nersornaat "Innersuaq" ullumi tunniunneqassaaq. Nersornaat tunniunneqartassaaq Kalaallit Nunaanni filmiliornermi malunnaatilimmik suliniuteqarsimasumut

Kikkut tamarmik tikilluaqquneqarput, ullumi sapaammi Katuami Inersuaaqqami filmiliornermi nersornaat Innersuaq tunniunneqarpat. Tassani filmiliortartunit assigiinngitsunit trailerit naatsut qulingiluat takutinneqassapput. Borgmester Asii Chemnitz Narupip nersornaat tunniutissavaa, aaqqissuussinerlu Katuami ingerlanneqassaaq nal. 14:00-miit.

Filmiliornermi nersornaat "Innersuaq" ukkusissamik qiperugaavoq, qiperuisartumit Peter "Kujooq" Kristiansenimit sananeqarsimasoq, aqqalu oqaluttuatoqqanit tigusaavoq. Innersuit uumasuupput inunnut assingusut sissap ataani uumasut, inunnillu ikiuisinnaallutillu ersiortitsisinnaapput.

Nersornaat tunniunneqassaaq peqatigiiffimmit »film.gl«, taannalu producerit aningaasarsiutigalugulu filmiliortartut peqatigiiffigaat. Peqatigiiffik 23-nik ilaasortaqarpoq, Kalaallillu Nunaanni filmiliornermi atugarisat pitsaanerulernissaat sulissutigalugu.

Powered by Labrador CMS