Bussit tamarmik taamaatiinnarput

Illoqarfiup pingaarnersaanni bussinik ingerlatsitsisut angallassiinnarniarlutik ilungersuuteqaraluartut maanna tunniutiinnarput. Ingerlaarfiit tamarmik taamaatiinnarput

Nuummi maannakkut perluppoq. Bussinik ingerlaarfiit tamarmik unitsinneqarallarput.

Busserlutit angerlarniaruit naammagittartariaqassaatit. Nuup Bussiisa tassatsiaq nalunaarutigaa ingerlaarfiit tamavimmik taamaatiinnarneqarallartut, piffissami suli aalajangerneqanngitsumi.

- Taamaatippugut. Bussit tamavimmik taamaatiinnarput. Taqqama quasattorujussuuvoq soorlu qaqorsaat aqitsoq. Anoraasuarujussuartarnernik ilallugu biilerfissaq ulorianarpallaaqaaq, Nuup Bussiinit René Hansen nalunaarpoq.

Sermitsiaq.AG-mit Nuummi politiit aperineqarput aqqusinermi angallannermi silamit aallaaveqartumik ajornartorsiortoqarnersoq.

- Ajutoornermik ataatsimilluunniit suli nalunaarsugaqanngilagut, immaqa inuit suliffimminnit angerlakaalerpata aatsaat. Taamaakkaluartoq kikkulluunniit tamarmik biilertussat mianersoqquneqartut, politiini pigaartoq oqarpoq.

Powered by Labrador CMS