Nunatsinni filmilianik siullermeerluni nersornaasiineq

Suliamik soqutigisallit peqatigiiffiat film.gl sapaatiuppat Nuummi nersornaasiissaaq

Filmiliortumut nersornaasiussassaq 'Innersuaq' ukkusissamik Kujuumit, Peter Kristiansenimit qiperugaq. Assi: Film.gl

Sapaatiuppat kalaallit filmiliaat siullermeerluni nersornaaserneqassaaq.

Tamanna kulturikkut illorsuarmi Katuaq ingerlanneqassaaq nal. 14.00 suliamik soqutigisaqaqatigiit peqatigiiffiata film.gl-ip filmiliorsimasumut nersornaasiuttagaa nutaaq.

Film.gl-imi filmiliortartut 30-nit amerlanerit ilaasortaasut nersornaat 'Innersuaq' peqatigiiffiup ilaasortaasa ilaannut tunniutissavaat.

Nersornaaserneqartussatut piukkussanik saqqummiussisoqanngilaq. Paarlattuanik film.gl-imi siulersuisut nersornaasigassamik sapaatiuppat aatsaat tusarliussissalluni nalunaarpoq.

Nersornaat ukkusissamik sanaajusoq Kujuup Peter Kristiansenimip suliaraa.

Kikkut tamarmik tikilluaqqusaapput.

Powered by Labrador CMS