Naaja N: Qallunaaluarneq unitsilli
Inuiaqatigiit immikkoortunut marluinnut avissaariartorput: kalaaliviit kalaaliviunngitsullu. Taamak isumaqarpoq Naaja Nathanielsen, IA - taassuma ammip qalipaataa pissutigalugu immikkoortitsinermik oqaaseqaatit tusakulavai
Qallunaanut kalaallinullu qallunaatuinnaq oqaasilinnut nipi pissusilersuutillu sakkortupput.
Taamak isumaqarpoq Naaja Nathanielsen, IA. Taassuma sapaatip-akunneri tamaasa misigisarpaa Danmarkimut attuumassuteqarsinnaasunik ammip qalipaataa aallaavigalugu immikkoortitsiniarneq. knr.gl-imi radioavisimut taamak oqarpoq.
- Nalinginnaaleriartuinnarpoq inuit ima oqaluttarnerat, kalaalivik Nuummi najugaqanngilaq, qallunaatullu oqalunnani. Tamanna uuttuutaassappat, taava amerlaqaagut nunami maani kukkusuusut, Inuit Ataqatigiit sinnerlugit Inatsisartuni ilaasortaq Naaja Nathanielsen knr.gl-imut oqarpoq.
Taassuma aarleqqutigaa kalaallit qallunaatuinnangajak oqaluttut kalaallillu kalaallisuunerusoq oqaluttut akornanni immikkooraluttuinnarnissaq. Akuttunngitsumik pisoqartuaannarpoq sumi tamaani tusaqqusaartunik. Qallunaat Nunaannut attuumassutilinnik kikkunnilluunniit ammip qalipaataanik immikkoortitsinertut taaneqarsinnaasunik.
Illit qanoq isumaqarpit? Inuiaqatigiit ammip qalipaataa aallaavigalugu immikkoortitsisut pilersileraluttuarpagut? Illit nammineq inunnit immikkoortitsiniaasunit oqaaseqarfigineqartarpit? Oqaluttuassat tusarusupparput.