KL

DK

Eqqumiitsuliortoq saqqummersitserngaartoq nersualaarneqartoq

Sissi Møller Nuummeersoq, maajip aallaqqaataata tungaanut Frederiksbergimi Galleri Dencker & Schneiderimi inunnik assiliilluni qalipataminik saqqummersitsivoq

Septembarimi Sissi Møllerip qalipagai Berlinimi saqqummersinneqassapput. Saamerlermit gallerimik piginnittoq Henrik Dencker, Københavns Kunstskolemi eqqumiitsuliornermik ilinniartoq Sissi Møller aamma qalipakkanik tuniniaavimmik piginnittoq Sonny Schneider. Assi: Arktis Media.
Sissi Møllerip inuit assilillugit qalipatai piffissami matumani Galleri Dencker & Schneiderimi Frederiksberg, Københavnimi saqqummersinneqartut. Assi: Arktis Media
Septembarimi Sissi Møllerip qalipagai Berlinimi saqqummersinneqassapput. Saamerlermit gallerimik piginnittoq Henrik Dencker, Københavns Kunstskolemi eqqumiitsuliornermik ilinniartoq Sissi Møller aamma qalipakkanik tuniniaavimmik piginnittoq Sonny Schneider. Assi: Arktis Media. Sissi Møllerip inuit assilillugit qalipatai piffissami matumani Galleri Dencker & Schneiderimi Frederiksberg, Københavnimi saqqummersinneqartut. Assi: Arktis Media Septembarimi Sissi Møllerip qalipagai Berlinimi saqqummersinneqassapput. Saamerlermit gallerimik piginnittoq Henrik Dencker, Københavns Kunstskolemi eqqumiitsuliornermik ilinniartoq Sissi Møller aamma qalipakkanik tuniniaavimmik piginnittoq Sonny Schneider. Assi: Arktis Media. Sissi Møllerip inuit assilillugit qalipatai piffissami matumani Galleri Dencker & Schneiderimi Frederiksberg, Københavnimi saqqummersinneqartut. Assi: Arktis Media Septembarimi Sissi Møllerip qalipagai Berlinimi saqqummersinneqassapput. Saamerlermit gallerimik piginnittoq Henrik Dencker, Københavns Kunstskolemi eqqumiitsuliornermik ilinniartoq Sissi Møller aamma qalipakkanik tuniniaavimmik piginnittoq Sonny Schneider. Assi: Arktis Media. Sissi Møllerip inuit assilillugit qalipatai piffissami matumani Galleri Dencker & Schneiderimi Frederiksberg, Københavnimi saqqummersinneqartut. Assi: Arktis Media
Rosa Thorsen

Sissi Møllerip inunnik assiliilluni qalipatai soqutiginaateqarput.

Taamak isumaqarpoq Henrik Dencker, Frederiksbergimeersoq. Taamaattumik qalipakkanik tuniniaasut Dencker & Schneider septembarimi Sissip qalipagai Berlinimi tuniniaavimminni nutaami saqqummersinniarpaat.

- Berlinimi gallerimik nutaamik ammaavugut. Sissip inunnik assiliilluni qalipatai soqutiginaatilittut isigaagut nuannaarutigissallugulu Berlinimi tuniniaavitsinni nutaami qalipatai saqqummersissallugit, qalipakkanik tuniniaaviup pisortaa Henrik Dencker oqarpoq, taassuma ilanngullugu nassuiaatigaa eqqumiitsuliornerup silarsuaani nutaaliortunut Berlin qitiusoq.

- Berlin eqqumiitsuliat nutaat pinngorarfigaat, Dencker oqarpoq.

Københavnimi Frederiksbergimi Mariendalsvejimi eqqumiitsulianik saqqummersitsivinnguami Sissi Møllerip inunnik assiliilluni qalipagai 14-it saqqummersinneqarput, taakkunannga arfinillit naqitaapput marluk akrylimik qalipagaallutik. Qalipakkat saqqummersinneqartut tamarmik nutaajupput.

- Maani Københavnimi ikinngutikka qalipannikuuakka, Sissi Møller oqarpoq, taanna Nuummi Eqqumiitsuliornermik ilinniarfimmi atuartuunikuuvoq.

Eqqumiitsuliornermik ilinniartoq inuusuttoq ilisarisimaneqanngitsorlu
28-nik ukiulik Sissi Møller, Nuummeersoq aatsaat perngaamik kisimiilluni saqqummersitsivoq manna tikillugu qalipagai marlussuit tunineqarlutik.

- Aatsaat perngaamik kisimiillunga saqqummersitsivunga qalipakkallu arlallit tunereerlugit allat inniminnerneqarnikuupput, Sissi Møller oqarpoq taanna massakkut Københavns Kunstskolemi ilinniartuuvoq.

- Juunimi Københavns Kunstskolemi ilinniarnera naammassissavara maani Københavnimi sannavissannik ujaasivunga suliffigisinnaasassannik, Sissi Møller oqarpoq.

nunatsinnit inuiagatigiit
Powered by Labrador CMS