Dronningi ullumi ilassiartorneqassaaq

Naalakkersuisut siulittaasuat pingasunngornermi dronning Margrethemit Amalienborgimi pulaartigineqassaaq

Naalakkersuisut Aleqa Hammond dronning Margrethemit Amalienborgimi pingasunngornermi pulaartigineqassaaq. Assilisami takuneqarsinnaapput Aleqa Hammondimit talerpimmi protokolansvarlig Jakob Rohmann Hard. Saamerliuvoq tusagassiisarnermi ataqatigiissaarisoq Julie Rademacher. Tunuaniippoq nunanut allanut pisortoqarfiup pisortaa Kaj Holst Andersen, talerperliullunilu Mikkel Møller Schøler, Folketingimi Siumumi partiip siunnersortaa. Assiliisoq: Arktis Media

Nukappiaaluk Hansen

pingasunn 17. apr 2013 09:48

Annonse

Ministeriuneq Helle Thorning-Schmidt, Socialdemokraterne, aallartitallu 40-t sinneqartut marlunngornermi naapeqatigineqareersullu Naalakkersuisut siulittaasuata Aleqa Hammondip, Siumut, dronning Margrethe ullumi pingasunngornermi ilassiartussavaa.

Taama pisoqassaaq Naalakkersuisut siulittaasuat Danmarkip nalunaaqutaa malillugu nal. 11.30 dronningip Amalienborgimi pulaartigilerpagu.

- Naalakkersuisunut siulittaasunngorlaap dronningillu akornanni aaqqissuussineq tamanna aqqutigalugu ileqqumik nutaamik aallartitsierput tulluusimaarutigaara - tassalu Naalakkersuisut siulittaasuata Danmarkimut pisortatigoortumik angalaqqaarnermi dronningimik naapeqateqartarnissaanik, dronning Margrethep marlunngornermi 73-iliisup naapeqatiginissaanut atatillugu Aleqa Hammond oqarpoq.

Læs "Grønland klar til øget erhvervssamarbejde"

Læs "Statsministeren accepterer Grønlands uran-ønske"

Læs "Uranpolitik på første møde"

Aleqa Hammondip tusagassiortut nunanit tamalaaneersut pingasunngornermi ullaakkut naapisimaarpai. Sisamanngornermi ullaakkut angalaqatinilu Nuummut uterlutik aallassapput.

Naalakkersuisut siulittaasuata Danmarkimut pisortatigoortumik angalaqqaarnera Sermitsiaq.AG-mit soorunami malittarineqarpoq.