TV: Eqalussuarujussuaq inuttuumasoq

Isertitta aningaasartuutittalu naapiffiata navianartoq qaangereerpaat

Assiliisoq: Leiff Josefsen

Arfertut nerisassaminut aatsarsimasutut ippoq. Imaluunniit suli ingasannerusumik; eqalussuartut pisaminik tamussernialersutut.

Taamatut inuiaqatigiinni isertitat aningaasartuutillu titarganngortinneqarsinnaapput. Tassami imminnut saneqquttarlutillu naapittarsimapput. Titartaganngortillugit eqalussuartut kiisinialerluni aatsaqqasutut isikkoqarsinnaapput. Inuiaqatigiit aningaasaqarnerat aamma taama navianartorsiortigisinnaavoq.

Tassa maannakkut inuuniarnitsinni atugarisavut attatiinnassagutsigit taamaassaaq. Tamanna saqqummersitsinermi »Possible Greenland«-imi sammisat ilagaat. Venedigimi siullermik takutinneqarpoq kingusinnerusukkullu Danmarkimi USA-milu takutinneqarluni.

Una takuuk »TV: Nunarsuarmi kaffillernerit annersaat«

Possible Greenland aamma ilaqutariinnut inissiat nutaat qanoq aaqqissuunneqarsinnaanerat qanorlu nunatsinni nunami isikkoqarsinnaanerat, mittarfissuup aamma umiarsualiviup nutaat nunanut tamalaanut attaveqaatinut ilanngullugit qanoq isikkoqarsinnaanerat kiisalu nunatsinni illoqarfiit qanoq takornariartarfinngortinneqarsinnaanerat tamannalu ilutigalugu qanoq najugaqarfigissallugit inuuffigissallugillu soqutiginarnerusunngortinneqarsinnaanerat pillugit oqallinnissamut kaammaattuinermut siunnersuuteqarnissamullu aamma siunertaqartoqarpoq.

Helena Skifte Lennert, TNT Nuuk-mi illussanik titartaasartoq, matuma qulaani video atorlugu Possible Greenland pillugu oqaluttuarpoq. Danskisuua 1:47-mut killeqarpoq. Apersuinerup kalaallisuua 1:49-mi aallartippoq.

»Possible Greenland« pillugu ilanngutassiat amerlanerusut uani atuakkit

Powered by Labrador CMS