Greenpeacep qalasersuup imartaata naqqanut erfalasoq inaalippaat

Sapaammi Greenpeacemit ilisimasassarsiortut Qalasersuup imartaata naqqanut 'Siunissamut erfalasoq' inaalippaat, tamaani 2007-imi russit immap iluatigoorluni umiarsuaanit russit erfalasuat aamma inaalinneqarpoq sumiiffiup Ruslandimut atasuunera ersersikkumallugu

Sapaammi Greenpeacemit ilisimasassarsiortut Qalasersuup imartaata naqqanut 'Siunissamut erfalasoq' aqqartinneqarpoq, tamaani russit 2007-imi immap iluatigoorluni umiarsuaata russit erfalasuat aamma inaalinnikuuaat, sumiiffiup Ruslandimut atasuunera piumasariumallugu. Assi: Greenpeace
Assi: Greenpeace
Sapaammi Greenpeacemit ilisimasassarsiortut Qalasersuup imartaata naqqanut 'Siunissamut erfalasoq' aqqartinneqarpoq, tamaani russit 2007-imi immap iluatigoorluni umiarsuaata russit erfalasuat aamma inaalinnikuuaat, sumiiffiup Ruslandimut atasuunera piumasariumallugu. Assi: Greenpeace Assi: Greenpeace Sapaammi Greenpeacemit ilisimasassarsiortut Qalasersuup imartaata naqqanut 'Siunissamut erfalasoq' aqqartinneqarpoq, tamaani russit 2007-imi immap iluatigoorluni umiarsuaata russit erfalasuat aamma inaalinnikuuaat, sumiiffiup Ruslandimut atasuunera piumasariumallugu. Assi: Greenpeace Assi: Greenpeace Sapaammi Greenpeacemit ilisimasassarsiortut Qalasersuup imartaata naqqanut 'Siunissamut erfalasoq' aqqartinneqarpoq, tamaani russit 2007-imi immap iluatigoorluni umiarsuaata russit erfalasuat aamma inaalinnikuuaat, sumiiffiup Ruslandimut atasuunera piumasariumallugu. Assi: Greenpeace Assi: Greenpeace

Qalasersuarmik pilerngunneq 'qamuuna' ersittumillu pisoq suli ingerlavoq

2007-imi russit immap iluatigut umiarsuaata sumiiffiup Ruslandimut atasuunera ersersinniarlugu erfalasortik inaalippaat. Sapaammi Greenpeacemi ilisimasassarsioqatigiit 'Siunissamut erfalasoq' Qalasersuup imartaata naqqanut inaalippaat, russituulli sumiiffiup Ruslandimut atasuunera ersersinniarlugu.

Greenpeacep ilisimasassarsiortui Issittumi innuttaasunik marlunnik ilaqarput, ataaseq Seychellerini inuusuttut inatsisartuini ilaasortaalluni aamma Hollywoodimi isiginnaartitsisartoq Ezra Miller. Erfalasumik ivertitsinermut ilannguppaat inuit 3 millionit missaasa aqqi, nunarsuarmi sumiiffinnit tamalaanit piumasaqaateqartut, Qalasersuaq tassaassasoq nunarsuarmiut ataatsimoorullugu pinngortitamik allanngutsaalisaat aamma Issittoq nunarsuarmi tunisassiorfissuarnit tamalaanit illersorneqartussaq.

- Maaniippugut ersersinniarlugu Qalasersuup eqqaa immikkuullarilluinnartoq ullumikkut kikkunnilluunniit pigineqanngitsoq nunarsuarmioqatigiit ataatsimoorussamik pigisaat, tamannalu issittumi nunat akornanni aggulunneqassanngitsoq, 26-nik ukiulik Sverigemi samit inatsisartuini ilaasortaq Josefina Skerk oqarpoq.

- Maannammut ativut inuit millionilikkuutaat allat aqqi ilagalugit immap naqqaniilerput Qalasersuup illersorneqarnissaanik politikerinut oqariartuuteqartut aamma issittumi pinngortitap tunisassiorfissuarnit aserorterneqarnissaannit politikkikkullu pissaaneqarneqqisaattunit illersorneqarnissaa anguniarlugu. Issittumi nunap inoqqaavi tapersersorniarlugit maaniippugut taakkua inuuniutaat uuliamik piiaasunit tunisassiornermillu aallaaveqarlutik aalisartunit aserorterneqannginnissaat anguniarlugu.

Eqqisseqatigiinneq, neriunneq aamma nunarsuarmiooqataaneq

Ilisimassassarsioqatigiit sapaatip-akunnerata siuliani russit basiat Barneo sisoraaserlutik qimappaat, taanna sikumi puttavoq Qalasersuarmit 100 kilometerinik ungasissuseqartumiilluni. Erfalasoq nutaaliaq nassataraat taassuma eqqisseqatigiinneq, neriunneq aamma nunarsuarmiooqatigiinneq ersersinniarpaa. Allat allanit Qalasersuarmik piginnittussaatitaannginnerat.

Siunissaq pillugu erfalasoq 13-inik ukiulimmit niviarsiaqqamit malaysiameersumit titartarneqarpoq, taanna nunat tamalaat akornanni titartakkanik unammisitsinermi ajugaasuuvoq ilusilersuisartumit Vivienne Westwoodimit nalilerneqartoq, erfalasup titaniumimit igalaaminermillu suliaasup iluani inuit aqqi 3 millionit missaanniittut kakiorneqarsimapput. Atsiorsimasut ilagaat Nobelimi Eqqissinissaq pillugu nersornaasigaasimasoq ærkebiskop Desmond Tutu, taassuma oqaaseqarnermigut Qalasersuarmut ilisimassarsiortunik tapersersuinini ersersippaa.

Danmark, issittumi nunat Qalasersuarmik piginninniartut ilagaat. Greenpeace ilisimatitsivoq ilisimasassarsiornikkut kissaatigineqartoq ingerlatsivinnut nunanullu silap pissusaata allanngoriartorneranik sikumillu aakkiartuinnartumik iluaqquteqarniarsaripiluttunut erseqqissumik nalunaaruteqarnissaq.

- Qalasersuup eqqaa siunissami atornerlunneqarluni aserortigaanissaa pinaveersaarniarlugu eqqissisimatinneqartariaqarpoq. Atsiornerit kivisinnerisigut erfalasumillu ivertitsinikkut ilisimasassarsiorlutik angalaqataasut kissaatigaat inuit millionilikkuutaat sinnerlugit ersersinniarpaat, sumiiffiup tunisassiortunit atornerlunneqannginnissaa kissaatigigitsik taamatullu sumiiffiup pinngortitami eqqissisimatitaalluni inissisimalernissaa, Greenpeace tusagassiivinnut nalunaarpoq.

Ilisimasassarsiornermut assit allat uani isiginnaakkit

Powered by Labrador CMS