Sarfartuut/Strømsteder takuteqqaarneqalersoq
Nukâka Coster-Waldauip naalagaaffeqatigiinnerup qitornai sammineqartilerpai
Nukâkap kiinaa Aarhusimi tamaginni takussaavoq. Pingaartumik cafét arlalissuit plakatinik pinnersumik kiinartalimmik nivinngaatiterisimapput.
Taamaaliortoqarpoq isiginnaartitsissutip "Sarfartuut/Strømsteder" isiginnaartitsisartumit Nukâka Coster-Waldauimit kisimiilluni inuttaaffigineqartup Godsbanens Åbne Scenemi marlunngorpat takuteqqaarneqarnissaanut atatillugu. Isiginnaartitsisartut Flemming Jensen aamma Makka Kleist isiginnaartitsisummut filmiliatigut peqataassapput.
Isiginnaartitsissummi pineqarpoq Danmarkip Nunattalu akornanni pissutsit, isiginnaartitsissullu pilersinneqarpoq Teater Freeze Productionsip aamma Nunatta Isiginnaartitsisarfiata suleqatigiinnerisigut.
Sarfartuut / Strømsteder tassaavoq isiginnaagassiortartup taalliortullu Peter Laugesenip allagaanik inuttullu oqaluttuassartanik kiisalu Nunatta Danmarkillu Danmarkimi tusagassiuutinit sammineqartarnerannik katitikkat. Nunatta Isiginnaartitsisarfianeersoq Makka Kleist nammineq inuttut oqaluttuassartaminik ilanngussaqassaaq, nammineq kalaaliaqqatut Danmarkimi nunasiaatillip Nunatta kulturianut iserneranik misigisaqarsimanerminik. Flemming Jensenip angut qallunaaq nunamut asannilersoortoq, arnamut meerartaartoq, tamanillu maqaasisariaqalersunik qimatsisoq, inuttaaffigaa.
Nukâka Coster-Waldau kulturit taakkua marluk silarsuillu taakkua marluk qitornaattut isiginnaartitsissaaq. Taanna kalaaliuvoq arnaq nukittooq, Kippakee, oqaluttuanut, takorluukkanut piviusunullu, angallassisoq.
Piffissat isiginnaartitsiviusussat
Aarhus: Åbne Scene, Godsbanen, 16.-21. aamma 23.-25. april 2013. København: Teater Grob, 3. - 16. maj.
Isiginnaartitsissut aamma Nuummi takutinneqarumaarpoq:
Nunatta Isiginnaartitsisarfia, 5. - 23. oktober