Avalak periarfissanik sammisaqartitsisoq

Aliannaarsaarneq, ataatsimuualaarneq ilisimasallu. Danmarkimi ilinniagaqartut peqatigiiffiat Avalak sapaatip-akunnerata naanerani uani ilinniagaqartunik Horsensimi isumasioqatigiissitsivoq, tamatumanilu Nunatsinni USA-milu ilinniagaqarnikkut periarfissat sammineqarlutik

Igasoq Knud Peter Lyberth Mortensen igasunngorniarlu Olivia Ivik aaqqissuussineq tamakkerlugu iggavimmiipput nerisassiorlutillu. Assiliisoq: Hanne Broberg AVALAAP sapaatip-akunnerata naanerani matumani Horsensimi upernaakkut isumasioqatigiissitsineranut ilinniagaqartut 53-it peqataapput. Assiliisoq: Hanne Broberg Hanne BrobergAvalaap siulittaasua, Hans Peder Kirkegaard. Assiliisoq: Hanne Broberg Hanne BrobergTravis Sevy Amerikap aallartitaqarfianeersoq USA-mi ilinniagaqarneq sungiusaammillu sulisinnaaneq pillugit oqalugiarpoq. Assiliisoq: Hanne Broberg Avalammi paasissutissiisarnermut ataqatigiissaarisoq Aqqalu Josefsen. Assiliisoq: Hanne Broberg Elsennguaq Uiloq Silassen. Assiliisoq: Hanne Broberg Pipaluk Ellebæk Motzfeldt. Assiliisoq: Hanne Broberg

Hanne BrobergHanne Broberg

Hanne Broberg

arfininng 13. apr 2013 09:25

Annonse

Avalaap ukiumoortumik upernaakkut isumasioqatigiissitsineranut sapaatip-akunnerata naanerani ingerlanneqartumut ilinniagaqartut 53-it peqataaniarlutik aalajangersimapput.

Ukioq manna isumasioqatigiinneq tallimanngornermiit sapaammut ingerlanneqartoq Horsensimi Spejderhyttenimi ingerlanneqarpoq. Tallimanngorneq ineqarfimmut inissitsiternermut unnukkullu ataatsimuualaaqatigiinnermut atorneqarpoq. Arfininngornermi ilinniagaqartut sungiusaatigalugu suliffeqarnissaannut nunanullu angalanissamut periarfissaat pillugit oqalugiartoqarlunilu workshoppertitsisoqarpoq. Ilaatigut Travis Sevy Amerikap aallartitaqarfianeersoq oqalugiarpoq, taassumalu inuusuttut ilinniagaqarnissaannik arlaleriaqaluni kaammattorpai.

- Nunarsuarmi pissanilissuit annerpaartaannit Kinamit USA-millu alaatsinaanneqarpusi. Taamaattumik ilinniagaqarnissarsi, ajornanngippallu USA-mi, pingaaruteqartorujussuuvoq. Kalaallit Nunaanni siunissami aqutsisuusussaavusi, oqarpoq.

USA-mi periarfissat sammineqarnerisa saniatigut arfininngornermi kingusinnerusukkut aamma Air Greenlandimit Royal Greenlandimillu sungiusaammik sulisinnaaneq, suliassat suliffeqarfiillu suliarisartagaat pillugit oqalugiartoqassaaq.

Sermitsiami sapaatip-akunnerata tulliani annerusumik atuarit.