Julie Rademacher tusagassiutilerinermut akisussaalissaaq
Sermitsiap paasisai naapertorlugit Folketingimut ilaasortaasimasoq 28-nik ukiulik Julie Rademacher tusagassiuutinut attaveqarnermi ataqatigiissaarisutut Naalakkersuisut siulittaasuannit Aleqa Hammondimit toqqarneqarpoq
Aleqa Hammond tusagassiuutinut attaveqarnermi ataqatigiissaarisumik toqqaavoq. Naalakkersuisut siulittaasortaavat Siumumeersoq tusagassiutinut attaveqarnermut ataqatigissaarisumik pisariaqartitsivoq. Kalaallit Nunaanni Danmarkimilu.
Nuummi Qeqqata Ilinniarnertuunngorniarfiani inuiaqatigiilerinermut tunngasuni ilinniartitsisoq Socialdemokraatillu sinnerlugit Folketingimut ilaasortaasimasoq, 28-nik ukiulik Julie Rademacher, Aleqa Hammondimut tusagassiuutinut attaveqarnermi ataqatigiissaarisutut atorfinippoq.
- Qujanaq, kisianni allanik oqaasissaqanngilanga, Julie Rademacher ilumoorneraalluni Sermitsiaq.AG-mut oqarpoq.
Ullumikkut Siumumi tusagassiisarnermi ataqatigiissaarisutut atuupput.
Julie Rademacher Siumup Inatsisartunut qinersinermi angusarissaarnissaanik tamaviaarlutik suliaqartut ilagaat. Rademacher Kolding syd-kredsenimit 2007-imiit 2011-mut Folketingimut ilaasortaavoq.
Erninilu Carl 2011-p naanerani Nuummut nuupput. Julie Rademacherip ullumikkut Jens Andersen Nuummeersoq aapparaa.