Akissarsiat sulinermilu atugassat ernummatigineqarnerat paasisinnaavaa
Naalakkersuinikkut akisussaasup Jens-Erik Kirkegaardip paasisinnaavaa nunanit allaniit akissarsiakillutik suliartortussarpassuit takkussuusinnaanerat nunatsinni inuppassuit nangaanartoqartimmassuk
HS-Analysep isumasiuinera nutaaq Ugebrevet A4 suleqatigalugu ingerlanneqartoq naapertorlugu kalaallit innuttaasut 54 procentii isumaqartut suliniutit angisuut pillugit inatsit ajunngilluinnartuusoq imaluunniit nunatta siunissaanut isumalluarnarluni, aammali nalornisoqarluni.
Misissuinerit naapertorlugit kalaallit affangajao isumaqarput akissarsiatik sulinermilu atugassarititaasut annerusumik minnerusumilluunnit ajorseriarsinnaasut nunanit allaniit suliffeqartiit aatsitassarsiorfissat sanaartorneranni nunanit allaniit sulisussanik aallersinnaassappata.
Inuussutissarsiornermut aatsitassanullu naalakkersuisunngorlaap Jens-Erik Kirkegaardip Siumumeersup paasilluarsinnaavaa sooq innuttaasorpassuit eqqarsarnartoqartinneraat nunanit allaniit suliartortorpassuit kissaatikitsut nunatsinnut takkusuussinnaanerat.
Læs "Flertal for storskalaloven i befolkningen"
Ernummateqarnerimmi peqqutigerpiarlugit maannakut naalakkersuisooqatigiit suliniutit pillugit inatsit nalilersorqqinniarpaat, oqarpoq.
- Uannut pingaartuuvoq erseqqissassallugu tamanna torersumik ingerlanneqassasoq innuttaasut misigisimaniassammata suliani aamma tusaaniarneqarlutik, Jens-Erik Kirkegaard Ugebrevet A4-mut oqarpoq.
Ilaatigut innersuussutigaa naalakkersuisooqatigiit isumaqatigiissutaani allassimasoq ' qulakkeerneqassasoq kalaallit sulisartut kattuffii isumaqatigiinniarsinnaassasut'.
Suliniutit angisuut pillugit inatsit nutaaq qaqugukkut piariissanersoq Jens-Erik Kirkegaardip oqaaseqarfigerusunngilaa.