KL

DK

Qimussersoq 50.000 koruuninnappoq

Uummannami qimussimik sukkaniuttoqarnerani aningaasarpassuarnik eqqugassaqarpoq

Ajugaasoq Hans II Petersen. Assi.: Margrethe Løvstrøm Kleemann
Uummannaq sulluani siku aputaasattorsuuvoq. Assi.: Margrethe Løvstrøm Kleemann
Ajugaasoq Hans II Petersen. Assi.: Margrethe Løvstrøm Kleemann Uummannaq sulluani siku aputaasattorsuuvoq. Assi.: Margrethe Løvstrøm Kleemann Ajugaasoq Hans II Petersen. Assi.: Margrethe Løvstrøm Kleemann Uummannaq sulluani siku aputaasattorsuuvoq. Assi.: Margrethe Løvstrøm Kleemann Ajugaasoq Hans II Petersen. Assi.: Margrethe Løvstrøm Kleemann Uummannaq sulluani siku aputaasattorsuuvoq. Assi.: Margrethe Løvstrøm Kleemann
Noah Mølgaard

Uummannaq tunngavilerneqarnerminit ukiunik 250-nngortorsiorluni ukiormanna nalliuttorsiorpoq. Tamanna malunnartinniarlugu qimussimik sukkaniunneq arfininngormat pivoq peqataasut 16-it ajugaasoq aningaasarpassuarnik pissarsiassaqarluni.

Ajugaasuuvoq Hans II Petersen Ukkusissaneersoq 50.000 koruuninik akissarsisoq, Tulliuvoq Thomas Thygesen Saattuneersoq 25.000 koruuninnattoq. Pingajoraat Tittus Jensen Saattuneersoq 15.000 koruuninnattoq.

Taakku pingasut qimussillaqqissutut ilisimaneqarput arlaleriarlutik Avannaata Qimussersuani peqataareerlutik.

Issagiaq
Qimussimik sukkaniunneq sikukkut ingerlanneqarpoq pilersaarutaasimagaluarporlu illoqarfinnit allaniit peqataasoqarnissaa.

- Sineriammi sumiiffippassuit assigalugit issagiarsiorsimavugut. Peqataajartornissamut soqutiginnikkaluartut aqqutaata aputeqannginnera pissutigalugu takkussinnaasimanngillat, aaqqissuisut Qimusseq sinnerlugit Tikkili Mathiassen Sermitsiaq.AG-mut oqarpoq.

Sukkaniuffik Uummannap sulluan sikumi illineqarpoq. Sikulli ilarujussuata aputeqannginnera pissutigalugu aqqut 30 kilometerit inulaaginnarlugit isorartussuseqarpoq.

Aningaasat pinnatassat katersuiniarnikkut aningaasaliisullu iluaqutigalugit qulakkeerneqarput.

timersoneq nunatsinnit
Powered by Labrador CMS