Flatratemik atuisut uumisaarneqartut

Qaammammut akimik aalajangersimasumik akilimmik ilaquttatit internettertikkit.

Tele Greenlandimit Nuummi atuisunut ussassaarutit taama nipeqarsimapput, neqeroorullu tamanna inuppassuarnit atorusunneqarsimavoq.

– Atorluarusunneqarluarnera paasinarsisimavoq, Tele Greenlandimi paasissutissiisarnermut pisortaq, Sæunn L. Nolsøe, maluginiakkani pillugit oqarpoq.
Ajornartorsiuteqarporli.

Tassami nioqqutissaq ilimasaarutigineqartoq sullitat ilarpaalussuinit tamakkiisumik pineqarsinnaanngitsoq paasinarsisimavoq.

Tele Greenland Bredbådn Flatratemik neqerooruteqarpoq ’atuinermik naapertuuttumik’ aal­ laaveqartumik, tamannalu isumaqarpoq YouTu­ bertoqarsinnaaneranik, internettikkut tv­iimik isiginnaartoqarsinnaaneranik nittartakkanik kille­ qanngitsumik misissuisoqarsinnaaneranik filmi­ nillu aallertoqarsinnaaneranik. Kisianni atuinerup naapertuuttup killissaanit ullumikkut 100 GB­mik annertussuseqartumit, unitsinneqarnissap tungaa­ nut.
Killiliussaq angusimagaanni sukkassuseq arriilli­ sinneqartarpoq.

Sullitat ilarpaalussuisa atuineq 50 aamma 70 GB akornanniiginnalersorlu sukkassutsip appartinne­ qartarnera misigisarsimavaat, tamatumalu kingorna YouTubemik isiginnaarnissaq filminillu toqqorsi­ nissaq ajornarluinnapajaalersarsimalluni, arriippal­ laalersimasarmat.

– Aqutseriaatsini kukkusoqarsimavoq, aamma sullitanit naammaginninngitsunit attaveqarfigi­ neqarsimavugut, Sæunn L. Nolsøe nassuerpoq, sukkassutsillu arriinneruneranit akornusersorneqar­ simasunut ajuusaarluni.

Taanna ilisimatitsivoq ajornartorsiut qanoq iliuu­ seqarfigineqartoq.

– Pitsanngortinneqarsimanissaa naatsorsuutigaar­ put. Kisianni sukkassutsip suli arriinnera misigisa­ raanni – 100 GB­mik killiliussaq suli anguneqar­ tinnagu – pisariaqarpat modem qamikkallarlugu misiliisoqarsinnaavoq. Tamanna iluaqutaasin­ naavoq. Taamaanngippat Tele saaffigineqassaaq, taamaalilluni iluarsiisoqassammat, paasissutissii­ sarnermut pisortaq ilassuteqarluni oqarpoq.