Ujajaasut parnaarussassanngortinneqartut
Qaqortumi tilllinniarnerpassuarnik suliaq eqqartuussivimmit inerniliiffigineqarpoq
Eqqartuussivimmi suliaq annertooq angutit inuusuttut nukappissallu 16-iniit 20-nut ukiullit qulit, Qaqortumi ujajaasarsimanernut unnerluutigineqarfigisaat, eqqartuussivimmit naammassineqaqqammerpoq.
Taama knr.gl ilisimatitsivoq.
Taamaalilluni Qaqortumi ukiup kingulliup ingerlanerani pisiniarfinni ujajaanerpassuit angerlarsimaffinnullu sakkulerluni ujajaanerit tamaanga killeqalerput.
Angut 20-nik ukiulik siuttuunerarneqartoq ukiuni pingasuni affarmilu pineqaatisinneqarsimasunut inissiisarfimmiittussanngortitaavoq. Eqqartuussaasuni qulini sakkukinnerpaamik pineqaatissiineq tassaavoq Pinerluuteqarsimasunik Isumaginnittoqarfimmit ukiuni marlunni nakkutigisassanngortitaaneq. Angut 19-inik ukiulik taamatut pineqaatissinneqarpoq.
Angutit inuusuttut qulit ilaatigut aallarussisarsimasutut, nakuusertarsimasutut ujajaasarsimasutullu unnerluutigineqarlutik eqqartuunneqarput.