Nuna Minerals nunani allani aningaasanik tuniniaavinni nalunaarsorneqarusuppoq
Aatsitassarsioqatigiiffik Nuna Minerals nutaanik aningaasaliisussarsiorpoq
Nuna Mineralsimi, Københavnimi OMX-imi nalunaarsorneqarnerup saniatigut, aktiaatit nunani tamalaani aningaasanik tuniniaavinni nalunaarsortinneqarnissaat pilersaarutigineqarpoq.
Taamatut ataatsikkut nalunaarsortinnikkut ingerlatseqatigiiffik aningaasanik amerlanerusunik aningaasaliiffigineqassaaq, tamanna iluarsisanik kaaviiaartitsinernik ilaneqarsinnaavoq, tamakkulu tamarmik 2013-imi naammasineqarnissaat naatsorsuutigineqarpoq.
Taamatut Nuna Minerals 2012 pillugu naatsorsuutiminik ullunik marlussunnik teknik pillugu nalunaarusiap piffissaq eqqorlugu naammassineqarsimannginneranik pissuteqarluni kingusinaarluni tamanut saqqummiussinermini paasissutissiivoq.
Poorski sioqqullugu Nuna Mineralsimi naatsorsuutini kisitsisaagallartut tamanut saqqummiunneqarput.
EBITDA-mik ingerlatsinerni angusat 6,2 mio. koruuninik amigartoorfiupput, taakku 2011-mi 4,9 mio. koruuninik amigaartoorutaasimapput. Angusat, naatsorsuutigalugu nalunaarutigineqartunut naapertuupput.
2011-mi ingerlatseqatigiiffik akileraarutit akileqqaarnagit 15,5 mio. koruuninik amigartooruteqarpoq, 2011-mi amigaartoorutit 33,3 mio. koruuniusimapput.
- Angusani pitsanngoriaatit ingerlatseqatigiiffimmi nalikilliliinerusimanernik pissuteqarnerupput, Nuna Mineralsimit nassuiaasoqarpoq.
Nuna Minerals 2013-imi EBITDA-mi 5 – 10 mio. koruunit missaannik amigaartooruteqarnissani naatsorsuutigaa.
- Piginneqatigiilernikkut angusassatut naatsorsuutigisat allanngorsinnaassagatinneqartut Nuna Mineralsimit oqaatigineqarpoq.