Assit: Nunarput minguinnerpaajunngilaq
Maniitsumi efterskolemi atuartut assiliivilerlutik illoqarfimmi angalaarsimapput. Takusatik tunngavigalugit isumaqarput Kalaallit Nunaat nunarsuarmi minguinnerpaajunngitsoq. Assit. takukkit
Sumiiffippassuarni aput aappoq eqqagarpassuillu sumi tamaani nuiorarlutik. Maniitsumi efterskolemi atuartut assiliivilerlutik illoqarfimmi angalaarnerminni takusatik maajugaat.
- Nunarput nunarsuarmi minguinnerpaanerarlugu tarpaasimaarutigisarparput. Kisiannili nammineq takusartakkagut najoqqutaralugit tamanna ilumuunngilaq, Maniitsumi efterskolemi atuartut Sermitsiaq.AG-mut oqaluttuarput.
Mingutsitsineq
Aqquserngit sinaaniinnaanngitsoq mingutitsisoqarpoq. Tassami imaani aamma eqqagarpassuit tissukarusaartut takussaajuartartut takusaq kusarnartussaagaluaq avaanngunarsisittarpaat. Uagulli tamanna allanngortissinnaavarput.
- Tamanna inooriaaserput eqqarsariaaserpullu allanngortinngikkutsigu siunissami ajorsigaluttuinnassaaq. Taamaammat inuiaqatit immitsinnut kaammattoqatigiilluta illoqarfimmi asimilu maangaannaq eqqaaneq unitsittariaqarparput. Tamatuma kingunerissavaa siunissami ilumoorluta tarpaasimaarluta oqarsinnaalissagatta: Nunarput nunarsuarmik minguinnerpaavoq, Maniitsumi efterskolemi atuartut kaammattuipput.