Julie arnatut peqqusersusaariaraluarpoq

Iggarinneqqusaannermi Julie Berthelsenip peqataaffigisaani nerriviup qalia ajugaasumut akissarsiassanngortinneqarsimavoq

Julie Berthelsen deltog i finalen i konkurrencen Masterchef på TV3. Foto: Screenshot fra TV3s site

- Masterchefinngorlunga ajugaannginnama uggornaqaaq - KISIANNI sivisuumik igaffimmiinngitsoorpunga iggarinneqqusaannermilu peqataanera naammassivara. Misiliigaluarpunga, ajugaaniutivissornermimi misiliisoqartariaqarpoq!

Taamatut Julie Berthelsen facebookimi oqarpoq.

Masterchefinngorniulluni iggarinneqqusaanermi ajugaaniutivinnermi TV3-kkut takutinneqartumi Julie taamatut oqarpoq. Ajugaaniutivinneq kalaaliminiliorluni peqataaffigisaa.

Aamma atuaruk: Julie igasuunertut

Juliemut taarsiullugu atisanik nutaaliortartoq, Jim Lyngvild, TV-kkut aallakaatitassiami ajugaasuuvoq.

Ajugaasoq Ekstra Bladetimut imatut oqarpoq:

- Nerriviup qalianik tunisippunga. Kusanartumik diplomimik, angalanissamut bilitsinik imaluunniit siunertanut ajungitsuliornissanut aningaasanik tunineqarsimassagaluarama. Kisianni nerriviup qalia? Kussippallaaqaat.

Aallakaatitassiaq internetikkut akeqanngitsumik takusinnaavat aamma uani videokkut takusinnaavat. Taakkunani Julie Berthelsen peqqusersusaarluni peqqissaarlunilu igasuunermut Henrik Boserupimut sivisunerusumik piffissarsiniarsarigaluarpoq.

Powered by Labrador CMS