Piffissami sivisussusilerneqanngitsumi tigummineqassaaq
Kunuunnguaq Korneliussenip Herstedvesterimi piffissami sivisussuligaanngitsumi paarnaarusimaneqarnissani akueraa
Nal. 13.00 eqqartuuussisoq eqqartuussisooqataasullu pingasut Hotel Arcticimi inimut ataatsimeersuartarfiusumut 4-mut Kunuunnguaq Korneliussenimut eqqartuussummik oqaatiginniffiusumut iserput. Ilulissani eqqartuussisut unnerluusissusaatitaasut Kunuunnguup piffissami sivisussusiligaanngitsumi tarnimikkut napparsimasut parnaarussivianni, Herstedvesteritut ilisimaneqarnerusoq, Danmarkimi Pinerluuteqarsimasunik Isumaginnittoqarfimmit aqunneqartumiittussanngorlugu piumasaqaataat malippaat.
Tamatuma saniatigut qimataasunut katillugit 918.280 koruuninik aamma aataasup toqunneqariaraluartup aniguisulli sulisinnaajunaarneranut, taakku naatsorsorneqareeropata, Kunuunnguup taarsiisussanngortinneqarnissaanik unnerluussisussaatitaasut piumasaqaataat eqqartuussisut malippaat.
Nalinginnaasumik unnerluussisussaatitaasut eqqartuunneqartorlu eqqartuussut suliareqqitassanngortitsissutigineqassanersoq suliareqqitassanngortitsissutigineqassannginnersorluunniit ulluni 14-ni eqqarsaatiginissaanut periarfissinneqartarput, kisianni unerluussissussaatitaasut aamma eqqartuunneqartup eqqartuussut akueraat.