Julie iggarissorsuartut
Erinarsortartoq tusaamasaq Julie Berthelsen sapaatip-akunnerani uani naalagaaffeqatigiinni 'Masterchef'-inngorniulluni unammeqataavoq
TV 3-mit sapaatip-akunnerani uani Masterchefinngorniulluni tv-ikkut aallakaatitassiami unammisoqassaaq. Imaassinnaavoq erinarsortartoq Julie Berthelsen arlaminit pikkorinnerulluni igasoq.
Tusaamasat allat arfinillit peqatigalugit tv-ikkut aallakaatinneqartumi soqutigineqarluartumilu iggarinneqqisaattunut ilaavoq. Ullumi, pingasunngorpat aamma sisamanngorpat peqataasut igaffinni piginnaasaat misilinneqassapput.
TV 3 naapertorlugu peqataasut qallunaat nalinginnaasumik igaarisartagaannik unammissutigissavaat: Bøf bearnaise, moules frites, sol over Gudhjem, svensk pølseret, tarte tatin aamma wienerschnitzel.
Iggarlunnerit pingasut eqimattanngorlutik unamminermut tullermut ingerlaqqissapput, iggarinnerillu pingasut ajugaasutut ilagiisinneqarlutik nerisassiassanik assigiinngitsunit marlunnit sassaalliutissanik pingasunik mamarluartunik suliaqartinneqassallutik: Kollegiani najugallinnut naleqquttunik aammali kunngikkormiunut naleqquttunik. Kikkummita karsi uunnatassanik iffiaqaqortunillu imalik pissavaat kikkullu uiluinni foie grasimillu sulissappat.
Ukioq manna Masterchefinngortussaq sisamanngornermi toqqarneqassaaq.