Siumut: Qassimiunut arfernut tunitsivik
Jakob Motzfeldt apriilip 2-ani 2013-mi kommunalbestyrelsemut qinersinissamut Siumut sinnerlugu qinigassanngortittoq isumaqarpoq aalisartut atugaat pitsanngorsarneqartariaqartut, ilaatigut arfernut tunitsiveqalerluni
Nunatta kujataani inuussutissanik pilersuineq aammalu aalisarnikkut piniarnikkullu pissutsit pitsanngorsarneqarlutik aamma nunatta sinnerani.
Taama isumaqarpoq Kommune Kujallermi Siumut sinnerlugu kommunalbestyrelsemut qinigassanngortittoq Jakob Motzfeldt.
- Nunatta kujataani nunatta sinneranut inuussutissanik pilersuinikkut annertusaalluni pitsanngoriartitsisoqarsinnaavoq. Tamanna ilaatigut pisinnaavoq Neqi A/S-imi tunisassiorluni nerisassiassanik igariaannarnik pisisartunut tunisassiornikkut. Tamanna nunarfinni tunisassiornerunermik pilersitsissaaq, assersuutigalugulu Qassimiuni arfernut tunitsiveqarsinnaalluni, Jakob Motzfeldt oqarpoq.