Erinarsoqatigiit Ikinngutigiit poorskimi naalagiarnermi tussiassapput

Domprovsti soraarneq Richard Petersen Aalborgimi sapaassuarni, juullimi poorskikkunnilu kalaallisut naalagiartitsisarunnaarmalli Aalborgimi Jyllandillu avannaani ilagiit kalaallit naalagiartitsisarneri maqaasisarsimavaat.

Aqaguli poorskip sapaataani Aalborgimi Hans Egedes Kirkemi qallunaatut naalagiarneq kalaalerpaluttoqassaaq. Tassani erinarsoqatigiit Ikinngutigiit tussiaqattaassapput, soorunami kalaallisut. Qulinut naalagiartoqassaaq.