Aatsitassarsiorneq sammineqarluartoq
Kujataani qinersisartunik ataatsimiititsisoqarnerani apererusuttoqarluarlunilu tusarnaariartorpassuaqarpoq
Annonse
Politikerit Qaqortumeersut ataasinngornermi unnukkut Narsami katersortarfimmi qinersisartunik ataatsimiititsimmata katersortarfik inunnik ulikkaarluinnarpoq.
Tusarnaariat qiimalluinnarput apererusuttoqarluinnarlunilu. Ersaartaattoqarlunilu avaallattoqartarpoq.
Sammisarpassuit oqaluuserineqarput. Kujataani aatsitassarsiornermut tunngasut soorunami sammineqartorujussuupput. Kisianni aamma ikiaroornartumik atornerluinermut, eqqaavinnut, angallannermut, suliffissaaleqinermut kiisalu illoqarfiit aqqusernginik asfalterinermut asfalterisoqannginneranullu tunngasunik apeqquteqartoqartarpoq.
Kommunini sisamani kommunalbestyrelsinut apriilip aappaani qinersisoqassaaq.