Nipi tusarnersoq qimaguppoq
Siornatigut Vajgat Orkesterimi erinarsoqataasartoq Dorthia Olsen akornatsinniikkunnaarpoq
Dorthia Olsen sivisuumik napparsimareerluni tallimanngornermi ullaakkut eqqissivoq 76-nik ukioqarluni. Ilaqutai taama nalunaarput.
Dorthia Olsen Vajgat Orkesterini peqataasarsimasut kinguleruttut ilagaat peruttuleramik tassani tulleertuusarsimalluni.
Inuk saqquminiartuunngikkaluarluni peqataaffigisamini tatigisaallunilu nuannarisaavoq. Erinarsoqatigiinni NIPI-kkuni ukiorpassuarni peqataasarpoq aammalu ataqqinaammik ilaasortaalluni.
Erinarsuusiortoq
Allat erinarsuusiaannik atuiinnartanngilaq. Aamma 1970-kkut ingerlaneranni nuannarisaaqisoq ’Isitit kusanartut’ taalliaraa taannalu radiomi tusarsaalluartut ilagisimavaat.
Sulinermik ukiorpassuarni ingerlataqarpoq ukiuni 33-ni KGH-mi, Brugsenimi KNI-milu sulisimalluni.
Dorhia Olsenip eqqaaneqarnera ataqqinartuuli.