Avannaata Qimussersuani aajuku tulleriinnissaat
Avannaata Qimussersuani peqataasut sumut apuutissanersut suli nalornissutaavoq
Ilulissani issangisserujussuarnerata Avannaata Qimussersuanik aaqqissuisut kiaguummertittarpai. Ilulissat illoqarfiata silatinnguanut apuutsissinnaajumallugit apummik nuusseriartoqartussanngorpoq.
Avannaata Qimussersuani peqataasussat marlunngornermi unnukkut ilisaritimmata aallarnissami tulleriiaarnissaannut makitsisoqarpoq. Apuuffissaalli suli aalajangerneqanngilaq.
Sapaatip akunnerani kingullermi issangiarujussuarnerata kingorna qaqqaq Akinnaq aputaasaqaaq arlalitsigut sermiinnaalluni qimussillaqqikkaluanut ulorianarsinnaalluni.
Qaavanut apuussinnaapput
- Sisorarfimmut kommunep qamussui atorlugit sisamanngornermi apummik nuussiffiusinnaasoq angoriarneqassaaq, aaqqissuisut Qimussersap siulittaasua Ville Siegstad Sermitsiaq.AG-mut oqarpoq.
Kalaallit Nunaanni Qimussertartut kattuffiat peqataasussallu paaseqatigalugit aalajangiunneqarpoq marlukkaarlutik aallassasut. Akinnarli sisuffigissallugu qimussillaqqikkaluanut ulorianarsinnaavoq.
- Qamussuit majuartinnissaat iluatsinngippat Akinnap qaavanut apuuttariaqassapput tassanngaanniillu isiginnaartunut tikisartuinnarlutik. Akinnap qaavani minutsilersuut unitsinneqartassaaq piffissarlu taanna najoqqutarineqarluni, Ville Siegstad nassuiaavoq.
Meeqqat unamminissat
Avannaata Qimussersua ukiormanna ukiunik 25-nngortorsiorpoq. Tamanna malunnartinniarlugu meeqqat aamma unammisinneqartussaapput tallimanngorneq martsip 22-at. Tassanissaaq sukkaniuteriaaseq allanngortittariaqarsimavoq.
- Meeqqat Narsarsuarmiit aallarlutik illoqarfiup tungaanut ingerlassapput. Minutsilersorneqassapput ataasiakkaarlutillu minutsinik marlunik akunneqartarlutik aallartarlutik, Ville Siegstad nassuiaavoq.
Aajuku inersimasut aallarnissaanni tulleriinneri:
1. Hans Jørgen Lukassen, Kari B. Heilmann
2. Kuno Markussen, Nikolaj Nielsen
3. Niels Davidsen, Malik Jeremiassen
4. Anders Petersen, Malik Samuelsen
5. Ado Sandgreen, John Eliassen
6. Ove Johansen, Malik Johansen7. Anda Jeremiassen, Jens Møller
8. Jonas Jessen, Kristian Lundblad
9. Markus Thorleifsen, John Davidsen
10. Rita Inûsugtok, Gert Frederiksen
11. Marius Inûsugtok, Isak Siegstad
12. Samuel Villadsen, Jørgen Kristensen
13. Arne Broberg, Piitannguaq Kristensen
14. Søren Davidsen, Algot Nielsen
Aajuku meeqqat tulleriinneri:
1. Inutsiaq Olsen
2. Salik Fly
3. Leo Sandgreen
4. Pilutaq Sandgreen
5. Aputsiaq Jakobsen
6. Ejnar Lukassen
7. Rene Svendsen
8. Nuka Hansen
9. Tony Hansen
10. Niels Jakob Jørgensen
11. Taatsiaq Sandgreen
12. Magnus Jensen
13. Nuka Inuk Svendsen
14. Gustav Broberg
15. Samson Grønvold