Naalakkersuisut aatsitassarsiorumasunit nangaatitsilersut
Nunatsinni aatsitassarsiornermi sakkortunernik piumasaqaateqalernissaa Danmarkimi soraarnerussutisiassanut katersiviit annersaata PFAp tunuartilernereerneranut pissutaavoq
Siumup siulittaasua Aleqa Hammond marlunngornermi naalakkersuisooqatigiilersussanik nalunaaruteqarami qungujulaqaaq, naalakkersuisooqatigiilersussat tassaasut Siumut, Partii Inuit aamma Atassut.
Danmarkimi soraarnerusutisiassanut katersiviit annersaanni PFAmi sigguit allaanerusumik inissisimapput.
- Royalty eqqunneqassappat aatsitassarsiornermut aningaasaleerusussuseq kajuminnarunnaassaaq. Ajornarnerulissaaq. Royalty eqqunneqarpat aningaasaliisartut isaannit Kalaallit Nunaanni aatsitassarsiornermi anningaasaliinissaq aningaasaliinerussaaq pitsaanngitsoq, PFA-mi allaffissornermi pisortaq Henrik Heideby Berlingskemut oqarpoq.
PFA 300 milliarder koruuninit amerlanertik aningaasaateqarpoq.
Naalakkersuisooqatigiilersussat aatsitassarsiornermi royaltymik eqqussiniarnerat aningaasaliisartut akornanni uissuummissutaavoq. Taassuma kingunerissavaa, aatsitassarsiortut aatsitassamik tunisassiassaminnik nunamit qallukkaminnik akitsuutinik akiliisalernissaat imaluunniit kaaviiaartitaminnik akitsuummik akiliisalernissaat.
Aviisi: Ukiorpassuarnik kinguariarneq
Berlingske allappoq, aningaasaleerusussinnaasut naammatsikkunik qimagutissapput, taamaattoqarpallu Kalaallit Nunaanni aatsitassarsiornermik aallartitsiniaraluarneq ukiorpassuarnik kinguariarfiussaaq.
PKA, tassaasoq soraarnerussutisiassatut katersiviit ataatsimut kattuffiat aamma PensionDanmark ilaatigut Australiamiut aatsitassanik ingerlatsiviutaannik Tanbreez Mining Greenland isumaqatigiinniarnissanut aallartisaallutik aallartikkaluarput, Killavaat Alannguanni Narsap kujataani Kangerluarsummi suliarineqartussatut siunnersuutaasoq pillugu.
Berlingskep allaaserisaa tamakkiisoq uani atuarneqarsinnaavoq