Kalaallit Nunaat ornigineqarpoq

USA-mi angalaneq inooriaaserlugu pillugu atugasssiat siuttut ilaat isumaqarpoq Kalaallit Nunaat nunarsuarmi angalaarfissatut orniginarnerpaat tallimat ilagigaat

Assi: Jørgen Chemnitz

USA-mi angalaneq inooriaaserlugu pillugit atugassiat siuttut ilaata Outside Magazinep apriilimi normumi saqqummersumi Kalaallit Nunaat 2013-imi nunarsuarmi angalaffissaqqinnerpaat tallimat ilaattut inissippaa.

Nersornaasiuttagaq taaguuteqarpoq 'New Frontiers' (Killeqarfiit nutaat) Kalaallillu Nunaannut tunniunneqarluni nunami pinngortitarsuaq immikkuullarissoq kulturilu alutornarluinartoq misigisassaammata.

Nersorniarneqarneq nunatsinni takornariaqarnermik siunnersuisooqatigiinnit Visit Greenlandimit nuannaarutigineqarpoq.

- Kalaallit Nunaata tusaamaneqarnera 'Pioneering Nation' taaguutigalugu ukiut marlussuit matuma siornagut sanarfileratsiguli tunaartaqarluartumik nunarsuarmioqatigiit oqaluttuunniarsimavagut Kalaallit Nunaat ukiut untritilikkaat ilami tusindilikkaat ingerlaneranni misigisassarsiorumatuunit maligassiuisunillu ornigineqartarsimasoq, tamannalu ullumikkut aamma taamaattoq, pisortaq Anders Steenbakken nassuiaavoq.

- Taamatut angusaqarnermi ussassaarinermik suliaqarneq takornarialerisorpassuit kiffartuussinerannik angalanissanillu alutornartunik aaqqissuussinerannik ilallugu USA-mi angalanerup tungaatigut tusagassiuutit saqqumilaarnerpaat ilaannit sammineqalersimavugut, Anders Steenbakken tusagassiuutinut allappoq.

Outside Magazine ukiut 35-t sinnerlugit saqqummertarpoq ingammillu USA-mi Canadamilu tunineqartarluni.

Powered by Labrador CMS