Erinarsoqatigiit ussagarpaat
Nipilersornermik Ilinniarfimmi erinarsoqatigiit arfininngormat Katuami tusarnaartitsipput
Annonse
Nipilersornermik Ilinniarfiup Erinarsoqatigiivi Päivi Niemi Rosingimi siulersorneqarlutik ippassaq arfininngornermi tusarnaartitsipput, tassaallutik meeqqat inuusuttullu pingasuniit 14-inut ukioqartut piginnaasatik takutillugit.
Kalaallisut erinarsuutivut arlaqartut erinarsorneqarput, atugaasa ilaat tassaallutik peqataasut angajulliit ukiumoortumik angalaarnerminni tusakkatik kalaallisut nutsersimasaat. Ilaatigut Sys Bejrrep erinarsugaa Kegle.
Erinarsoqatigiinni peqataanissaq soqutigineqartupilussuuvoq nutaallu sapaatip akunnerani tullermi aallarteriissallutik. Soqutiginnittut nipilersornermik ilinniarfimmut uunga saaffiginnissinnaapput haqu@sermersooq.gl