IA suli isumaqatigiinniaqataavoq
Suli suleqatigiiffiusinnaasut misissorneqarput. IA suli Siumut siuttoralugu Inatsisartuni amerlanerussuteqarlernissamut isumaqatigiinniaqataavoq
Siumut Inuit Ataqatigiillu suli oqaloqatigiipput arfinninngornermi naalakkersuisunngortitsinissaq pillugu Aleqa Hammondimik ataatsimeeqatigiittoqareersorlu.
Taama allappoq KNR.gl.
Illuatungeriit isumaqatigiissutigaat marlunngornermi oqaloqatigeeqqinniarlutik.
Sulili avammut oqaaseqartoqarnianngilaq naalakkersuisut siulittaasuusimasup Kuupik Kleistip IA-meersup imaluunniit Aleqa Hammondip Siumumeersup eqqartueqatigiinnernik itisimerumanagu.
Aleqa Hammond Radioaviisimut oqarpoq eqqartueqatigiinnermi qulequttat partiit marluk isumaqatigiissutiginngisaat eqqartornerusimallugit, allamik oqaaseqarumanani taamaallaat oqaloqatigiinneq pitsaasumik ingerlanneqarsimasoq.