Nuuk aappoq
Ukioq manna sisorarneq tassunga killeqaratarsinnaavoq. Qanittumi aperujussuanngippat Nuummi ujakkaarnermik nunatsinni pissartanngorniunnissaq allamut nuunneqaratarsinnaavoq
Kiannera sisorartartunullu kinguneqarnera quiassuaatigineqaqattaarpoq. NSP-mi ujakkaartartut ilaat Klaus Egede ippassaq facebookimini ima allappoq:
- Ullumikkut neqeroorut: Akeqanngitsumik moreersineq. Sumi: Sisorarfimmi. Piffissaq: Sisorarlutit sukkassutigisartakkanniit marloriaammik sukkatigisumik. Piffissami qanittumi aperujussuanngillat ernumassutigaara ukioq manna sisoraqqinnissaq pisinnaajunnaassasoq :-(
Qungujunnissarlu naak sisorarnissarmi nalorninartorsioqaaq. Nuummi kiappoq sakkortuumik oqquartumik anorlerluni, apullu aattussaalluni.
Ujakkaartartut peqatigiiffiat NSP ukioq manna poorskikkunni Nuummi sisorarnermik aaqqissuisussaq misissuileruttorpoq Quassussuup tunuani ingerlaarfiusinnaasumik. Taamaanngippat pissartanngorniunneq Aasiannut nuunneqartariaqassaaq.