Kalaallit oqaluttuarisaanerat

Politikenimi aaqqissuisuunerup Bo Lidegaardip atuartartut atuakkiornermut nersornaasiuttagaa ”Politikens Litteraturpris” atuakkortumut Kim Leinemut tunniuppaa atuakkiaanut ”Profeterne i Evighedsfjorden”.

Aaqqissuisuunerup ataatagigaluami oqaluttuarisaanermik ilinniarsimasup Mads Lidegaardip atuagassiami Grønlandimi 1986-imi allaaserisaa innersuussutigaa.

- Atuagaq ataatama (Mads Lidegaardip, aaqq.) allaaserisaanit taamatut qulequtaqartumit isumassarsiaavoq. Kalaallit Nunaanni sivisuumik sulisimanermini allattugarai. Allattugaalu kalaallisut oqaluttuapput, sisamanngormat ualikkut Københavnimi Rådhuspladsenip eqqaani Politikens Husimi 400-nit tusarnaartoqarluni tunnissinermi oqalugiaammini Bo Lidegaard taama oqarpoq.

Tunniussinermi Københanvimi kalaallit erinarsoqatigiit Aavaakkut erinarsorput isiginnaartitsartorlu Nukâka Coster-Waldau atuakkami atuarpoq. Politikenimi atuartartut sinniisaata Marthe Kristensenip atuakkap toqqagaaneranut tunngavilersuispq. Politikenimilu atuakkanik naliliisartoq Lasse Horne Kjeldgaard atuagaq nersualaarlugu ima oqarpoq:

- Atuagaq aallatikkaanni ilineqarsinnaanngilaq.

Atuakkiap Politikenip atuakkianut nersornaasiuttagaata tigunerani Danmarkimi pingajussaa nersornaaserneqarpoq. Atuakkiaq aamma atuagaarniarfiit nersornaasiuttagaanik ”De Gyldne Laurbær” kiisalu ”Weekendavisens Litteraturpris” aamma nersornaaserneqarpoq.

Atuakkiortoq Kim Leine killitsissimaqisoq taamaattoq quiasaarpoq:

- Kiisami nakkaannarlunga nassuersinnaanngorpunga Bop (Lidegaardip, aaqq:) aatsaannguaq oqaasiinut attuumassuteqartoq. Ilimagisassitut inngilanga. Allassinnaanngilangami. Oqaluttualiorluni atuakkiorneq taamaappoq. UUkapaatitsinerineruvoq pikkunnaateqavissunit tillinniarnerulluni, Kim Leine tusarnaartut nuannerisaannik oqarpoq.

Profeterne i Evighedsfjordenimi oqaluttuaq 1700-ikkunni nunatsinni pisut pineqarput, upperisaq, kiserliorneq, maqaasineq inuillu aqussinnaanngisaminnik piummartunerat pineqarlutik.