Aviisi: Siumup akileraarnermut politikkia tussunngunaannartumik ittangavoq
Weekendavisip naalakkersuisut nikkinnerat pingaartitamini allaaseraa. Ilaatigut tatiginannginnerarpaa suliniutit angisuut pillugit inatsisip maannaannakkut allanngortinniarnera
- Inuiannguatut nunat tamalaat akornanni inatsisit, maleruagassat isumaqatigiissutillu maleqqissaarniisaat pinngitsoorneqarsinnaanngilaq. Taamaattumik isumaqatigiissutit allanngortinnialersinnagit eqqarsarluaqqissaartariaqarpoq. Aamma pinngitsoorneqarsinnaanngilaq inuiaat allat qulakkeerisuunissaat, maleruagassat malinneqarsinnaassanngippata. Taamaattumik aamma silatusaarneruvoq isummersorfigissallugu kikkut pisariaqartinnerlugit, »nammilersuleraanni«.
Ullumi tallimanngornermi Weekendavisen Inatsisartunut qinersinerup inernera pillugu allappoq. Siuliani issuarneqartoq tassaavoq Siumup suliniutit angisuut pillugit inatsimmut oqaaserisai. Aviisiip qinersinerup inernera nalilersoqqissaaarpaa, imatullu inerniliilluni allannguinerit Kuupik Kleistip IA-mi siulittaasup naalakkersuisooqatigiillu ingerlanniagaat ukiuni sisamani pissaaneqarnerminni kigaappallaamik ingerlassimagaat.
- Taamaattumik kalaallit partii ukiuni 30-t ingerlaneranni ataavartumik inuiaqatigiinnik kalaallinik ullumikkutut ittunik pilersiteqataasimasoq qinerpaat. Amerlanerussuteqartut qinerpaat kalaallit atugarissaarnissaannut qangatut akileraarsitsinissamik neriorsuisut. Tassaavoq saamerliuniat politikkitoqaat, aatsitassarsiorfinnullu sapiisersimassaaq, Weekendavisen naliliivoq isumaqarluni Siumup ajugaanera quiassuarnartoq.
- Kalaallit Nunaata iluanit pisuussutit qalaalersinnagit sorpassuit inissinneqaqqaartussaapput. Taakku soorunami ilagaat kalaallit aatsitassarsiornerup iluaqutaanissaannik tatiginninnissaat, taamaallaat soraarnerussutisiassanik isumaginninnikkulu aningaasaliissutinik matussusiiginnarani aammali kalaallit inuiaqatigiit ineriartornerannut iluaqutaallutni. Politikki piumasaqaatinik taamaattunik pimoorussisoq suli pilersinneqanngilaq. Siumup ajugaarnerata quiassuarnartortaraa partiip akileraartarnermut, atugasissaarnermut, inuiaqatigiit ineriartornerannut immaqalu inuussutissarsiornermut politikkiata tussunngunaannartumik Danmarkimisut qanganiarsiornera. Aatsaammi qanittukkut Danmarkimi Socialdemokratit paasilerpaat ajutoornersuit suut pilersissimanerlugit.
Siuliani pingaarnertut allaaserisaq tigulaagaavoq uanilu tamarmi atuarneqarsinnaalluni Weekendavisen