Alaa, imaanut nakkarpoq
Royal Arctic Linep Kalmar truckiutaa Sisimiuni umiarsualivimmut nakkarpoq erngiinnarli qaqinneqarsinnaanngilaq
Quasanneranik pissuteqartumik Sisimiuni umiarsualivimmi truckimik ingerlatsisup kivittaassuani pingasunngornermi aqussinnaajunnaarpaa. Allatut ajornartumik kivittaassuarmi pissilluni niuvoq kivittaallu umiarsualivimmi imaanut nakkarluni.
- Qujanartumik kivittaassuarmik ingerlatsisoq ajoqusersimanngilaq, Royal Arctic Linemi attaveqarnermut pisortaq Jakob Strøm Sermitsiaq.AG-mut ilisimatitsivoq.
Uuliakoortoqanngilaq
Ajutoorneq pivoq pingasunngorneq martsip 13-at kivittaassuarli qanittumi qaqinneqarsinnaanngilaq. Umiarsuup krania atorlugu aatsaat qaqinneqarsinnaavoq, taamaammat kivitsisinnaasoq tikissiineqaqqaartariaqassaaq.
- Qujanartumik uuliamik maqisoqanngilaq aamma mingutsitsisoqaratarsinnaaneranut maqisumut siuaruatsaaliutit piareersimapput, Jakob Strøm eqqissisaavoq.
Royal Arctic Linep nalilerpaa Irena Arctica qaqitsiniutissatut piukkunnarnerusoq.
- Kisianni trucki imaanut ikkattuararsuarmut nakkarsimammat qaqinniarnissaa ajornakusoorpoq. Irena Arctica uninngaqqissaarnissamut atortorissaarusersugaangami suliamut taama ittumut naleqqunneruvoq. Kisianni Irena Arctica qanittumi Sisimiunut tikittussaanngilaq taamaattoq mingutsitsisoqarsinnaanera nakkutigeqqissaarparput, Jakob Strøm oqarpoq.